مظفريات..

[حيال محمد الأسدي]

رد: مظفريات..

ليش انا وانت بعطش
موش احنه نبعه ونبع؟؟

 

[حيال محمد الأسدي]

رد: مظفريات..

نكضني النهد
شايل ثكل شامه
وبمي الورد
غركانه شمَّامه

 

[بحرالورد]

رد: مظفريات..

ينزف دمي علی وقع اهات اقلامي
ويتراقص الحرف علی اوتار اوهامي
وارثي الحب شهيدا علی شرفة الامي

 

[بحرالورد]

رد: مظفريات..

فرشت لك الاماني علی بساط احمدي
طلبي بوصلك فلا تردني خائبه

انتابني حين الهيام حين رايتها
امامي كاالملاك بالوصل مني طالبه

هيا اقترب مني لتلبي رغبتي منك
فانا لست عصبيةالمزاج ولست صاخبه

 

[بحرالورد]

رد: مظفريات..

قد ان جني الثمار من رحاب صدري
فهذا حقك اليوم لانك انت صاحبه

ضممتها لصدري بلهف وشوق لتبقی
لي كا قطعة سكر بالفم ذائبه

يتقطر الشوق من ترياقها شهدا
ومن شفاهها خمرا يثمل ****ه

 

[العـ عقيل ـراقي]

رد: مظفريات..

يساگي الشمس من عينك
ابعز الشمس حُب أخضر
لَوَن حلَّت نسمة الليل ..
شَعرك تنشگ العنبر
أحط الحجل للثوار
گمره زغيره علی المعبر ..
و أشيّم آترف النجمات ..
فوگ شراعكم تسهر ..
سفن غيلان أزيرج تنحر الذاري
لَوَن ودَّن سفنهم
يمك أخباري
و حگ عينك
أحِط الروح عل الساري
و أفل الحسره
بشليلك و آشوفك أزغر أسراري
و أفك الشبگه من بعيد
أغله شراع أشبگك
شبگة النسمات للنعناع
ليش الروح يا مدلول
يمَّك تنشره و تنباع ؟!

 

[العـ عقيل ـراقي]

رد: مظفريات..

لَوَن كل الگصب غنَّه
بحنيني لشوفتك يسمر
يسِل الگصب سِل أصفر ..
و آظن الماي يتمرمر
و آظن حتَّه النجم يطفي زراگه ..
و لا بعد يسهر
و آظن آكثر

 

[العـ عقيل ـراقي]

رد: مظفريات..

ثلثينك اسمر للحنطة
ثلثينك اسمر للحنطة
و من تشهگ چن جثة بطة
چملني بنهدك نص غطة
انبگلك چن فحل الوز
جريت ثيابك للصرة
وشفت الدگ واصل للبصرة
كتلك نلعب كتبة وطرة
فنك كتلي تعدي الحز
حز خصرك فرارة فضة
وشامة بنص خصرك معترضة
همي بفضتك شنهي فضة
غير مكابر بوس ولز
تدريني ما ضگت فراشي
من يوم اللاگيتك ماشي
وي غيري وطعمته الراشي
وبس انه بعشگك مز
ترجيتك سديت الباب
مغيرير وما تسوى عتاب
حگك يا شجرة عناب
لچن نگدرلك بالهز
ياما هزيناك الغبشة
وعنابك طاح على الفرشه
ونزلنة خديدك عن عرشه
وعلمنة عرانك عالرز
گالولك انه من الطين
صدگو
بس طين بساتين
طينتهم صبخة وعفنين
و دود البيها ماهو قز
تذكر ياما سكرنا بريجك
وايدينا تصلي بشگ زيجك
يا ضيج عين شما ضيجك
جرة عينك جود وعز
بستاني تحفالك يرعش
يصغير ما ضاج المشمش
تسألني بيا خمرة مغوش !
بالينجاس بگطنة يفز
بطلنة نحب شنهي طلابه
لچن نوبات ندگ بابه
ونگله شلونك يطوي كتابه
كلساع دمعه بعينه تنز
صوجك ضيعت الايام
كلما صحي الليل تنام
شميتك شمة شمام
و گتلك باچر
باچر سز

 

[العـ عقيل ـراقي]

رد: مظفريات..

https://www.youtube.com/watch?v=lZ8bKlV78vw&ab_channel=محمدالبصري

 

[العـ عقيل ـراقي]

رد: مظفريات..

مثل كل الناس
گتلك لا تلمني بعشرتك
انا يبنادم بشر..