" مـصطفى.. على طاولة الشاي."

[مَـاسَـةٌ]

حين يلامس الحرف قاع الروح وتتجسد المرافئ بملامحنا، ينعتق البوح من قيوده الفصحى ليتنفس بطفولة اللهجة وقرب السالوفة العراقية الدافية

مساكم الله بالخير والعافية، وحياكم الله جميعاً


١- أحياناً أشعر أن هدوئك في المنتدى ليس مجرد قلة كلام، بل هو استماع عميق وتأمل لما يدور حولك.. هل هذا الهدوء درع تحمي به فضائك الخاص، أم طبع ولد معك؟

الهدوء هو بالأصل طبع وغريزة بس وي مرور الوقت الواحد يتعلم شلون يخليه مساحة أمان له
لأن مو كل شي بالحياة يستاهل نحجي بي
فالصمت أحياناً يكون أعبر وأرتب من الحجي الهواي
هو مو درع بمعنى الخوف كد ما هو طريقة أصفي بيهة راسي من هوسة الدنيا.


٢- وسط هالة الدخان العابرة.. هل تتلاشى أفكارك وتتبخر معها، أم أن أعمقها يولد وسط هذا الضباب؟

بالعكس الدخان والضباب مو يضيعن الفكرة بالعكس يمكن يخلنها تتجسد كدام العيون الأفكار الثقيلة والعميقة غالباً ما تنولد بهاي اللحظات الهادئة والفاصلة مو بالصخب
والعزلة المؤقتة ويي النفس تخلي الواحد يشوف بوضوح أكثر.


٣- هل تجد صعوبة في العبور إلى الآخرين، أم أنك تفضل أن يعبروا هم إليك من خلال ما تكتبه بين السطور؟

أميل دائماً للخيار الثاني افضل إن الناس هي اللي تعبر إلي من خلال الحجي المكتوب وما بين السطور
الكتابة الصادقة تشبه الجسر والي يريد يوصل للروح صدك راح يعرف يقرا النبض ويفهم المعنى بدون تكلف ولا حجي زايد


٤- يقولون إن الشاي يمنح الإنسان سكينة هادئة لمواجهة نفسه ومصارحة ذاته بعيداً عن صخب العالم.. ما الذي تقوله لنفسك الآن ونحن نجلس على هذه الطاولة؟

أگول لنفسي الأيام تروح وتجي وكلشي يمر والهدوء اللي نصنعه بداخلنا هو الشي الوحيد اللي يبقى يونسنا ماكو داعي للعجلة وكل التعب والدروب الطويلة اللي عبرناها هي اللي جابتنا لهاي الطاولة


٥- من عصارة تأملك وقراءاتك لو طلبت منك نصيحة أو فكرة تهديها لـ "ماسة" في ختام حوارنا.. فماذا ستكون النصيحة؟

أگول لها
ضلي مثل ما إنتِ الروح الطيبة وحب التمعن بالأشياء هو اللي ينطي للحياة طعم ثاني لا تتنازلين أبداً عن شغفك ودهشتك بالكلمة والفكرة وخلي هذا العمق دائمــاً هو دليلك شكراً لهيج روح لطيفة وهيج استضافة مميزة.

زاوية الظل والضوء :
الكلمات تخبرنا كيف يفكر الضيف ، لكن الصور ترينا كيف يعيش تلك اللحظات ،
شاركنا يامصطفى لقطة واحدة من عالمك الان .

الصورة مــن طريق ياحسين
مشاهدة المرفق 193064
● افتح اقرب كتاب ليدك وتحديداً الصفحة رقم ٢٢ صور لنا سطرها الاول ( او اكتبه لنا كأقتباس ) ان كان يمس قلبك .
مشاهدة المرفق 193065مشاهدة المرفق 193066

"حين تكتمل تفاصيل البوح.. من السطور إلى الصفحة ٢٢"

شكراً لعمقك ولسلامك الداخلي الذي يتحدث من بين السطور ، ولعدستك الراقية التي نقلتنا الى اجواء السكينة ، ومشاركتنا لقطة الكتاب فالصور الماخوذة بشغف تنطق بجمال خاص وتختصر الكثير من المعاني ،
اهديتنا نصيحة ستبقى دليلاً للشغف والدهشة ،
ممتنة جداً لقبولك الاستضافة .

 

[مـصطفى]

"حين تكتمل تفاصيل البوح.. من السطور إلى الصفحة ٢٢"

شكراً لعمقك ولسلامك الداخلي الذي يتحدث من بين السطور ، ولعدستك الراقية التي نقلتنا الى اجواء السكينة ، ومشاركتنا لقطة الكتاب فالصور الماخوذة بشغف تنطق بجمال خاص وتختصر الكثير من المعاني ،
اهديتنا نصيحة ستبقى دليلاً للشغف والدهشة ،
ممتنة جداً لقبولك الاستضافة .

كل الشكر لكِ للاحبة اللذين رافقوا هذا اللقاء وللمساحة المليئة بالوعي والعمق التي جمعتنا
لقد كان حواراً ينبض بالمعنى ويسعدني دائماً أن أشارك شغفي وما أؤمن به مع أرواح تشبه تفاصيل هذا السلام.

دمتِ بهذا النقاء، وكل التوفيق لكِ في كل خطوة

 

[مَـاسَـةٌ]

أعضاء منتدانا الأوفياء،
قبل أن نطوي صفحات هذه الاستضافة الممتعة،
وصلنا معكم إلى "المحطة الأخيرة".. المحطة التي لا تكتمل إلا بجميل حضوركم وعطر أقلامكم نبضاً ووداً.
━━━━━━━━━━ ━━━━━━━━━━
المساحة الآن لكم بالكامل لتتركوا بصمتكم الدافئة لضيفنا العزيز،
ويسعدنا أن يشارك كل عضو
بـ:سؤال واحد : يلامس عمق فكره وقلمه.
أو طلب محدد : (بيت شعر يهديه لكم، كتاب أثّر في حياته ، أو نصيحة قصيرة من قلبه ).
تفضلوا بطلبكم وسجلوا حضوركم الأخير قبل أن نغلق باب الاستضافة .


@آهات حالمه
@شمَمْ♡
@العذبة~
@هدوء
@غزل..ᥫ᭡
@سُـكرة
@قمر
@ملاك الحب💕
@ذوق
@سماهر الرئيسي 📚
@رقة الملائكة
@زنو໑شــه❥︎
@أم السادة
@F I R A S
@وهج الحروف🔥
@رمااد اانسان
@الساحر الأسود
@الرااااكد
@أبن البصرة
@الشيخ
@Blacksмɪτн
@ناطق العبيدي
@سعد العراقي راقي
@اسير الروح

واعتذر اذا نسيت احد
الدعوة للجميع

 

[ملاك الحب💕]

اكتب بخط يدك اسم يلامس قلبك

 

[آهات حالمه]

تحية طيبة للجميع..
عاشت الأيادي ماسة على التنظيم الراقي،..
ونورتنا أخي مصطفى بحضورك المتميز اللي أمتعنا...

طلبي لضيفنا الكريم:
بما إنك انتقدت التكلف والسطحية بالعلاقات الرقمية وتفضل البساطة والعفوية..
أتمنى تختار وتهدينا (بيت شعر أو ومضة شعرية) قريبة لقلبك وتعبر عن هذا المعنى وتظل بصمة منك بهذهِ الاستضافة...

كلمة شكر اخيرة أقدمها لـ ماسة المبدعة على هذي المساحة الدافية،
ولأخي مصطفى على روحه الطيبة وقلمه المميز اللي تشرفنا بقرائته .
ربي يحفظكم وعساكم على القوة دائماً.

 

[اسير الروح]

يا هلا ومية هلا بالأخ العزيز مصطفى ومنور المتصفح بوجودك الطيب بهاي الاستضافة الحلوة اللي رتبتها إلنا الأخت الفاضلة ماسه

كلش يسعدني أكون وياكم اليوم و حبيت أشاركك بـ 5 أسئلة من القلب حتى نسولف بجوهرك النقي

السؤال الاول بهالوكت هواي ناس تغيرت ورا الشاشات، شنو الشي اللي كلش حرصت ما تخسره أو تغيره بشخصيتك الحقيقية من دخلت لعالم المنتديات

السؤال الثاني كلنا نمر بمحطات تغير تفكيرنا شنو أصعب درس أو موقف مريت بيه ورغم أذيته اليوم تكول الحمد لله لأنه صنع من عندك مصطفى الواعي والناضج اللي نشوفه هسة

السؤال الثالث المواقف الصعبة هي اللي تبين مَعدن البشر وتكشف السند الحقيقي بمسيرة حياتك منو الشخص اللي من تضيك بيك الدنيا تلتجأ إله وأنت مغمض وعينك باردة

السؤال الرابع عوفنا من الرتب والمشاركات بالمنتدى، شنو الأثر الإنساني أو الذكرى الحلوة اللي تتمنى الناس تذكرك بيها حتى لو غبت عنهم فد يوم

السؤال الخامس كل واحد بينا عنده حلم أو هدف يسعى وراه شنو الشغف اللي من تفكر بيه ينطيك طاقة وحيل حتى تبدي يومك بكل تفاؤل وإصرار

وأتمنالك استضافة ممتعة وموفقة يا أخويا العزيز
وكل الشكر للأخت ماسه وأعتذر منكم جميعاً إذا قصرت بالتواجد أو اختصرت الأسئلة لكوني مشغول بالعمل تحياتي للجميع