من وين ابدي يا عرب بالطيب وله بالنسب ؟؟

[يوسف.الشمري]

رد: من وين ابدي يا عرب بالطيب وله بالنسب ؟؟

بعض الرجال مسكنه داخل العين
وبقلبي اعزه وربته رجال حره
يلي تدافع عن فساد العناوين
قلي وش اللي جاك مني مضره
جيت على الناموس ما ادور ملايين
امدح صمود رجال لله درها
ما انخدع بكذبك وبعض الملاعين
خلك ذليل وذيول عارك تجرها
تبي الحقيقه في جميع القوانين
ماعاد فيك من الشرف وزن ذره
المايخاف الله من خيفه حسين
مايتقي بالناس في شق تمره ؟؟

 

[يوسف.الشمري]

رد: من وين ابدي يا عرب بالطيب وله بالنسب ؟؟

ماجيت اطلب منكم مدح وعجاب
ادري الصحيح اليوم ماعاد يعجب
اليوم يعجب اكثر الناس كذاب
واكبر بطل من كان يكذب ويكذب
الكذب يشمخ به حثالات واذناب
ويسهل به الي عند الاشراف يصعب
وحنا نعرف المعركه وكل الاسباب
ناسن تبي ثارات من دور يثرب
حتى وصلنا لمرحله شد الاعصاب
ولليوم من كذب الحثالات نشرب
تدمرت اوطان وجبال واهضاب
والبعض في نصر الحماقات يطرب
وتفرقت جيران واخوان واصحاب
واقلام ماندري على ايش تكتب
شعب وتشرد بين صفقات الاحزاب
واتفه شخص في روسهم صار يلعب
وسط الخيم عاشوبها مثل الاجناب
والي تشوفه من الوطن راد مهرب
واكثر مطاليب تلتقى عند الاعراب
غير الوجود اليوم مافيه مطلب ؟؟

 

[يوسف.الشمري]

رد: من وين ابدي يا عرب بالطيب وله بالنسب ؟؟

يالي تقول الناس طيبين و احباب
اثبت عكس قولي مو قبل هالحين
كم حره وحره افراشها تراب
اعيالها من الجوع مثل المجانين
لو شافها الكافر قلبه لها طاب
يبكي على حالها و قلبه لها يلين
لكن اسلام اليوم اخص الاعراب
يبيع حتى ابوه لاجل الملايين ؟؟

 

[يوسف.الشمري]

رد: من وين ابدي يا عرب بالطيب وله بالنسب ؟؟

وش عاد لو عمرك فوق الثمانين
وكونت من جوع المساكين ثروه
وش عاد لو سافرت لندن وبرلين
وسكنت ببراج بها الشهد غذوه
وش عاد لو عاشرت كل المزايين
ومنهن حضيت بحب ساره ومروه
يجيك يوم ما تعرف القريبين
بين الحيا والموت رايح بسهوه
وتاليك جيفه حاملينك سريعين
لقبرن عميق وحافرينه بربوه ؟؟

 

[يوسف.الشمري]

رد: من وين ابدي يا عرب بالطيب وله بالنسب ؟؟

حقه يموت الجود وتموت الاجواد
ما ضل أله من كثر الاخباث قيمه
ناس همها لقمه العيش والزاد
وناس تطيح وتنتخي عنك شيمه
شوف الهموم شلون مابينها ابعاد
جوع البطون وجوع نفس كريمه ؟؟

 

[يوسف.الشمري]

رد: من وين ابدي يا عرب بالطيب وله بالنسب ؟؟

الدبس يصبغ شوارب من كلى الدبس
والعار للي اتخذ منهج العار
وحنا انغمسنا بهمنا ودمنا غمس
ونأبى نموت اصغار واحلامنا كبار
عندكم خبر مرسول كسرى يبي العرس
ماتت ملوك بشيمته وعقل الاوبار
يوم يبي البنوات وعيونهن خرس
صارت لابن شيبان عرس بذي قار ؟؟

 

[يوسف.الشمري]

رد: من وين ابدي يا عرب بالطيب وله بالنسب ؟؟

اكسر مهابه اسرك وحطم القيد
واسمو على سوط المعادي تضره
وان زاد بالتعذيب خصمك وتشديد
خله يموت بعزتك الف مره ؟؟

 

[يوسف.الشمري]

رد: من وين ابدي يا عرب بالطيب وله بالنسب ؟؟

ارض الكنانه ماروى شعبها النيل
واهل الفرات تموت عطشى بضماها
يا يوسف الصديق ياوافي الكيل
من الجوع باعت للمعيشه كلاها
واللي يرتل مانزل فيه جبريل
مطلوب دمه في حروف قراها
والنفط لاجينا نعد البراميل
تمطر علينا نارها من سماها
ويلي على الاشراف ويل بأثر ويل
اللي تموت من الحيا في حياها ؟؟

 

[يوسف.الشمري]

رد: من وين ابدي يا عرب بالطيب وله بالنسب ؟؟

قل لي الرعاع شتمتلك من اصاله
على شان تبقى عالكرامه حريصين
انظر يمين الساقط وانظر شماله
تلقى الخدم واللي تسوق المواعين
واهل الشرف والمرجله والبساله
ضاعوا كما ضاعت قضيه فلسطين
هذا سبب موت القيم وانحلاله
وهذا دمار المجتمع بالبراهين
ون ساد بأذيال النتيجه الحثاله
اعلم ترى الاشراف راحوا قرابين ؟؟

 

[يوسف.الشمري]

رد: من وين ابدي يا عرب بالطيب وله بالنسب ؟؟

حي الذي مايوم مزعج لجيران
حتى ولو كل حين هم يزعجونه
من يحشم الجيران ماهو بخسران
وصا به الرسول يالتذكرونه
جارك ثم جارك ومن حشم ربحان
وعليك واجب بيت جارك تصونه ؟؟