من وين ابدي يا عرب بالطيب وله بالنسب ؟؟

[يوسف.الشمري]

رد: من وين ابدي يا عرب بالطيب وله بالنسب ؟؟

هذا جفني لطفلك فراش ولحاف
واخذي عيني بيت وفيها اسكني
وامشي حشمه كنك بيوم الزفاف
ودي في شالك اكفن موطني ؟؟

 

[يوسف.الشمري]

رد: من وين ابدي يا عرب بالطيب وله بالنسب ؟؟

من كثر مامرت على اجروحي اطعون
ماعاد اميز بين حربه وحربه
رمح المعادي عندنا عادي يخون
ولي الفخر ان طحت بوجيه سربه
كم من عزيز طاح وطعونه تهون
والدم يفخر لارتوت فيه تربه
قالوا تهون وقلت يايوسف تهون
يأتي الفرج من عقب عسر وكربه
ياناس الردى كل الردى برمح مسنون
يطعن قفاك ولابس ثياب قربه ؟؟

 

[يوسف.الشمري]

رد: من وين ابدي يا عرب بالطيب وله بالنسب ؟؟

هذي الحرمه طفلها من الجوع مات
وين انتم عنها يا مجرمين الحكومه
هيهات يصحى المعتصم ياختي هيهات
ورجالنا بالديباج تتمتع بنومه
ومن ينتخي للطاهره والشريفات
مجرم غدا بعين البشر والحكومه
راحت رجال الينطحون الكليفات
رجال تموت ولا تنثني عن عزومه
اختي رجال اليوم مامن مروات
مضيع بفعاله دينه وصلاته وصومه
ماتنفع الفزعه لشريفه ابنها مات
نفزع لبنت ساقطه ونطلب النومه ؟؟

 

[يوسف.الشمري]

رد: من وين ابدي يا عرب بالطيب وله بالنسب ؟؟

عز الله انها حلوه ومطنوخه
وابوها خبل والبنت مثل الخوخه
ياترامب جينا يمكم خطابه
بنتك مهي مثلك علي منفوخه
قال العرب ماحبهم ونت تدري
بس شمر اعزها واعز شيوخه
قلت ونعم من الزعيم الواعي
الي مجهز جيشه وصاروخه
وغديت احسب ياعرب خطواتي
وفهمته ان جلودنا مصلوخه
لاحد يعلم بأسمي وعنواني
اخاف لا يرسل علي صاروخه ؟؟

 

[يوسف.الشمري]

رد: من وين ابدي يا عرب بالطيب وله بالنسب ؟؟

حنا لنا يا طير من حضرتك شي
كرهك لجدران القفص و المذله
و اذا انت دون الموت تشرب من المي
الشمري يموت و ما يبي مي ذله
و اصحابنا لو تكوي ارواحنا كي
حرام ما نبحث للاصحاب زله
حنا سحايب تكرم اليابسه ري
و حنا على الفزعات سيف تسله
اللي يبي الطولات الطيب كالضي
الطيب مثل النور كلن يدله
تدري وش اللي طيبت حاتم الطي
كلمه هلا و اكرام من هو وصله ؟؟

 

[يوسف.الشمري]

رد: من وين ابدي يا عرب بالطيب وله بالنسب ؟؟

حبك على جدران قلبي نثرته
بذره سقيتها من معالي الشرايين
واليوم انا جناي زرع زرعته
طول الفراق وحال ليل المحبين
لو للوطن دكتور حتما وصلته
اكيد بالتحليل شاف البلا وين
ولو يكتب الوصفات ماضن شربته
وشلون اعالج جرح عايشته اسنين ؟؟

 

[يوسف.الشمري]

رد: من وين ابدي يا عرب بالطيب وله بالنسب ؟؟

ضلت تنادي والعرب له يشوفون
يا كثر ما نادت وامعتصمااااه
لا معتصم يسمع ولاعرب يدرون
والمراجل اليوم اغلبهم اشباه
رجال ما ضلت بها فزعه يفزعون
ياكثر ما نادت ولا واحدن جاه
من قدره الله شوفو منهم يحرسون
كلاب بعد الرجال ياكبر معناه
حيوان به رحمه شوفوها شلون
حتى الكلب حسبه من البرد دفاه
يا الله غفرانك هونها وتهون
يالحاكم العادل ماغيرك ارجاه ؟؟

 

[يوسف.الشمري]

رد: من وين ابدي يا عرب بالطيب وله بالنسب ؟؟

https://youtu.be/XRSb2NUJA0A

[youtube]https://youtu.be/XRSb2NUJA0A[/youtube]

 

[يوسف.الشمري]

رد: من وين ابدي يا عرب بالطيب وله بالنسب ؟؟

كان الشرف فضت غشاء البكاره
يعني الشرف حاجه تخص النساوين
نحشم جناب المهزله والصداره
ونكرم جناب المرحله والعناوين
وكان الشرف رمز النقا والطهاره
ماتنقسم بعض المزايا على اثنين
كم من مقام مايشرف وقاره
لاهان بعيون الغريب العزيزين
اعني الوطن قصدي بصريح العباره
الي على شانه تموت المساكين
ويلي بكيتو عالقيم وانحداره
انتم الذي بعتم شرفكم بفلسين
والموت اصبح في نظركم تجاره
بحجم الضحايا تروم مجد وملايين
ياليت طيحه حظنا وانكساره
مثل الجدار العنصري بوسط برلين
راحو رجال العروبه الغيارى
وحتى النسا ماعاد تنجب غيورين ؟؟

 

[يوسف.الشمري]

رد: من وين ابدي يا عرب بالطيب وله بالنسب ؟؟

ماجيت اخطب بنتكم تيفاني
لو كانت الياقوت والمرجاني
اشمخ وتشمخ عزتي بعراقي
لو تذبح بفعلك جميع اخواني
جيت اطوي جروحي عسى تسمعني
عن ضيقتي وعن همي وحرماني
ياترامب قلي وش بغيتوا منا
ياناقص من الدين والايماني
قلي وانا بعطيك شرح موجز
عن قائد التكفير والايراني
مابين تهجير وفقيد ونازح
نموت والجاني يعز الجاني
الذنب ماهو ذنبنا ياريس
الذنب ذنب القائد سليماني
وانتم رضيتوا بالفعايل فعله
بأسم التحرر دمر البنياني
والحين يوم انك سمعت اقوالي
ابيك توحي لجرت الالحاني
جيت احمل بصدري شتات الامه
ماجيت لجل العاريه تيفاني ؟؟