من وين ابدي يا عرب بالطيب وله بالنسب ؟؟

[يوسف.الشمري]

رد: من وين ابدي يا عرب بالطيب وله بالنسب ؟؟

الصدق طبعي والنذاله للانذال
والطيب اصلي وراعي الدون دوني
تدرون وش اللي يشده القلب والبال
وعجزت تحده عن عيونك عيوني ؟؟
شوف الطفوله اشلاء وبيوتها اطلال
وصمت يزود مع جنونه جنوني
ياناس ماهي دموع قل طاحت ارجال
الله حسيب اللي بدمانا يخوني
قطره دمع لكن ثقلها يعادل اجبال
الله يعين حملها في عيوني
امه تموت وشعبها يشجع اريال
والنصف الاخر مشجع برشلوني ؟؟

 

[يوسف.الشمري]

رد: من وين ابدي يا عرب بالطيب وله بالنسب ؟؟

البعض يشوف منشوراتي كلها كئيبه
ويقول يا يوسف على ايش مرتاب
تثبت لك الايام هول المصيبه
ولاينفعك في وقتها رفض وضراب
وتدفع حياتك ودمك والله ضريبه
او تعيش في ارضك كما عيش الاغراب
ماكل بنت تبتسم لك حبيبه
احيان يفتك سمها بشوفه الناب
ضاعت كرامه وانتهك عرض هيبه
وامسى الوطن من حربهم حفنه تراب
مافيه ذيب ولابقى فيه ذيبه
حجم العرب خرفان في دوله الغاب
بعض السوالف لو تحسها غريبه
بكرى تشوف تستحق ميه اعجاب ؟؟

 

[يوسف.الشمري]

رد: من وين ابدي يا عرب بالطيب وله بالنسب ؟؟

ماشفنا الراحه حتى بالاحلام
حتى وانت نايم ماتلقى راحه
اتغمض عيونك وتحاول اتنام
بحلمك تجيك هموم تفتح اجراحه
لا غاز نافعنا ولا نفطنا الخام
مادام الشعب مقصقص جناحه
عاجل خبر عاجل وايضا بعد هام
المعركه صارت في كل ساحه
يا كثر اراملنا ويا كثر الايتام
وعلينا كل قواد موجه سلاحه
ضحكو على الامه بنتاج الافلام
افلام والتمويل شركات الاباحه
في عالم الاكشن والضلم واجرام
هذه حقيقتها وهذه الصراحه
العرض حصري من اليمن وبغداد والشام
من اقوى الافلام تحقق ارباحه
عمالقه كنا واصبحنا اقزام
وانذل من الانذال وبكل وقاحه ؟؟

 

[يوسف.الشمري]

رد: من وين ابدي يا عرب بالطيب وله بالنسب ؟؟

يافاشلين بحكمكم والحكي كاش
الشمري على الحق مايوم هادن
كان الرجال عقولها عقول الادباش
اعطوا الحكم عند النساء ويتماضن
لوصار مابين النساء ضرب وهواش
يتهالسن من روسهن ويتراضن ؟؟

 

[يوسف.الشمري]

رد: من وين ابدي يا عرب بالطيب وله بالنسب ؟؟

https://youtu.be/ebVFuWCwOSE

[youtube]https://youtu.be/ebVFuWCwOSE[/youtube]

 

[يوسف.الشمري]

رد: من وين ابدي يا عرب بالطيب وله بالنسب ؟؟

ياحاكم النهرين يالقلب الحنون
كم طفل بحروف بابا تفجعه
مامسحت الدمع عن ذيك الجفون
اللي ظنوا فيك تمسح ادمعه
مايبونك شئ خارق لاتكون
ليت عندك فوق ذلك اربعه
العفيفه تبات في خدره مصون
مزق الأوباش عفها وبرقعه
قلتها والعيون تدمع بالجفون
وشفتها بعيوني والله مفرعه
والجدايل تنتثر فوق المتون
وكم بطوله بصوت حره نصنعه
تنتخي ورجال جوها ينتخون
في عراق الغيره مركز منبعه ؟؟

 

[يوسف.الشمري]

رد: من وين ابدي يا عرب بالطيب وله بالنسب ؟؟

العاف امه بالكبر مابغاها
من الصغر يا امي تنادونها
الام جنه وانت النار بحشاها
وين انت ياللي للأم ترد ديونها
وين انت ياللي ما تردد غلاها
شهور تسعه ما غمضت اجفونها
ياناكر المعروف ليه نسيت ارباها
سنين وانت متربع بحضونها
لو للكلب ربت كان اوفاها
ولا غدر بمك وكشر لها سنونه ؟؟

 

[يوسف.الشمري]

رد: من وين ابدي يا عرب بالطيب وله بالنسب ؟؟

اكبر خيانه العرب خانو بها النفس
خانوها وباعوا اخلاق الاسلام
عشرين دوله لنا افعالنا العكس
ماشفنا غير افعال تكتب بالاقلام
افعال كل العرب باطل وبها رجس
الشيطان راكبانا من ورى وقدام
لادين لادنيا نركض ورى الفلس
القدس بعناها وبغداد والشام
بعنا كرامتنا للروم والفرس
وشرتنا اسرائيل ولها صرنا خدام
اشراف كل العرب اليوم بالحبس
فقدنا عز العرب مع موت صدام
اسكت ولا تقاطعني لا لا لا تنفس
بس الله متكفل بنصر الاسلام ؟؟

 

[يوسف.الشمري]

رد: من وين ابدي يا عرب بالطيب وله بالنسب ؟؟

https://youtu.be/_zcBQ01U3Lo

[youtube]https://youtu.be/_zcBQ01U3Lo[/youtube]

 

[يوسف.الشمري]

رد: من وين ابدي يا عرب بالطيب وله بالنسب ؟؟

ان كان ماجاب الشفيه شفايا
بعض الحريم يلقحن بالانابيب
رجال مايلقح عقيم القضايا
لايفتخر بفراش ترفات الرعابيب
فحول النسا ادري بعضهم خصايا
يقصر عن الطولات والجود والطيب
ومن لا طنا لاينتخي بالطنايا
عيب على اللي يفهم العار والعيب
ومن لايشيل هم النسا واليتاما
ياناس ماله بالصعيبه مصاعيب
وانتم على ماقيل فوق البرايا
وحريمنا بخيام اولاد الاجانيب
العار غطى وجوهنا بالعبايا
والحره جتنا دموعها بالمكاتيب
تنخى وتصرخ بالمصيبه عنايا
والدمع جرح خدها وشقت الجيب ؟؟