صينية باذنجان
المقادير :
* باذنجان خاص بالقلي ومقطع لشرائح عريضه ، تقريبا كيلوين او ثلاث . والافضل يكون حجمه كبير .
* صلصة باشاميل ( هذي مقاديرها )
الباشميل لصينيه حجمها 15 في 30 وعلى فكره صينيتي عميقه نسبيا .
نصف اصبع زبده
نصف مكعب مرقة دجاج
ثلث كوب دقيق
كوبين حليب 500 مل( أو 6 ملاعق حليب بودره + 2كأس ماء فاتر )
علبة قشطه وممكن استبدالها بالويبنق كريم ( كريمة خفق)
اربع ملاعق طعام جبن سائل
( ممكن تضيفين ملعقتين مايونيز ) كنت اضيفه زمان بس صايره اكره المايونيز .فبطلت فيه .
فلفل ابيض حسب الذوق .
بالنسبه للملح تقريبا ماستخدم لان مرقة الدجاج والجبن مالحين ، بس إذا تحبين ممكن تضيفين شوي بس .
* حشوه على مزاجك . انا استخدمت حشوة اللحم لاني احسها الافضل مع الباذنجان .
مقادير الحشوه :
لحم مفروم تقريبا كيلو
بصلتين متوسطتين مقطعع قطع صغيره
جزره مبشوره ونص حبة فلفل رومي مقطعه .
بهارات حسب الذوق ( شخصيا استخدم قليل من الهيل والقرفه المطحونين فقط ) واحيانا ملح الجيني موتو
ملح حسب الرغبه.
اعشاب ( اورجانو ، ببريكا) ايضا ممكن تستخدمين جبن بارميزان او اي جبنه .
بودرة الثوم ..( أختياري) .
كيلو طماطم ( بندوره)
بكت صلصة طماطم .
الطريقه :
نملح الباذنجان ونخليه يعصر الماء اللي فيه وننشفه بالمنشفه ، ليه؟ ( عشان مايتأكسد وايضا عشان مايشرب زيت ويطرطع اثناء القلي)
نقلي الباذنجان ونصفيه ونحطه بورق نشاف ، ممكن تشوينه بالغريل لو تحبين تقللين السعرات .
اثناء القلي حضري الحشوه .
طريقة الحشوه :
احمسي البصل لين يصير ذهبي بعدين وإذا حبيتي ممكن تضيفين فص ثوم ( انا ماستخدمت)
حطي اللحم والبهارات اللي تفضلينها انا ماحب البهارات الكثيره استخدمت هيل وقرفه مطحونين وفلفل أسود . وقلبيهم لين يستوون تقريبا
اضيفي الفلفل الرومي والجزر
وخليه يذبل شوي
اخلطي الطماطم بالخلاط واضيفيها للحشوه وخليها لين تتسبك
وإذا احتاج صلصه اضيفي صلصه . طبعا لاتنسين الملح .
حضري الباشميل .
مقاديري للبشاميل تختلف شوي عن مقادير الباشميل اللي استخدمه باللازانيا ، حلو التنويع بالنكهات .
طريقة الباشميل :
ذوبي الزبده مع مرقة الدجاج ، وراعي قللي المرقه لان الجبنه مالحه .
اضيفي الدقيق واخلطي . لين تتحمس شوي .
اضيفي الحليب الفاتر وراعي انه مايتكتل واستمري بالخفق . ولاتنسين تضيفين الفلفل الابيض .
وهذي بعد ماثخن البشاميل
الحين اطفي النار ، واضيفي الجبن ، والقشطه والمايونيز .
الحين رصي الباذنجان بالصينيه .
اضيفي الحشوه
الحين نضيف الباشميل
اضغط هنا لمشاهدة الصوره بحجمها الطبيعي
رشي البابريكا والارجانو والجبن وبودرة الثوم.
ادخليها فرن متوسط الحراره 180 درجه تقريبا من ثلث الي نصف ساعه وحمري الوجه .
تقدم مع الرغيف العربي
وطعمها يهوس
أفكار للتقديم :
تقدرون تقطعون الباذنجان طولياً ، وايضا تقدرين تقدمين الطبق بطريقه غير .
او تصلحينه على شكل زوارق ، يعني تقطعين الباذنجان بالنص وتفرغين اللب وتحطين الحشوه وبعدين الباشميل ، وعلى فكره هالطريقه ايطاليه بس تكثرين جبن موزوريلا.
او انك تجيبين حلقتين باذنجان وتحطين الحشوه بالنص وتصبين شوي باشاميل وترشين الجبن .
والطريقتين الاخيرتين شكلهم حلو ومناسبه للبوفيه .
ايضا تقدرين تاكلين الطبق بالملعقه وتستغنين عن الخبز بس انا افضلها بالخبز .
وبالهنا والعافيه عليكم وانصكم تصلحون رياضه لوووووووووووول .
دمتم بصحه .
مصابيب الصاج بالخضار طريقة سهله
مشينا نشوف الطريقة
زي ما هو باين في الصوره خظار مقشره ومنظفه
وحجم وسط
شايفين هنا بشرنا كل الخظار الموجوده الجزر والبطاطس والكوسا والبصل
وبإمكانكم إذا تضيفون خظار زياده لكن هذة الانواع الافضل للبشر
هنا ذوبنا في مقلاة قطعه صغيره من الزبده علشان نحمر فيها الخظار المبشور
مع شويه ملح وبهارات
هنا وضعنا الخظار على الزبده
واخذنا نحركها برفق
حتى تتحمر وضعنا عليها
شوية ملح وبهارات
بإمكانك انك تضعين الماجي بدل الملح والبهارات .
شايفين هذة المقادير البسيطة
هذي مقادير المصابيب
وعلى حسب الكميه كل ما زدتي كوب طحين بر
زيدي عليه كوب ماء
هنا مافي باين ملح لأن البر هنا بلدي مملح ما هو من المصانع ,
وهذي المقادير خلطناها في الخلاط
جميع
حتى البصل
على فكره البصل يعطي طعم للمصابيب غير طبيعي
شايفين الخظار بعد ما حمسناها وحمرناها
هنا هي جاهزة لوضعها على المصابيب .
حمينا الصاجه على النار والصاجه ما تحتاج انك تدهنينها بزبده او سمن
لأنها تيفال
مدهونه طبيعي
بعد ما احتمت قصرنا النار ووضعنا المصابيب بالحجم الي نريده وكل حر اذا
تصغرينها وإلا
تكبرينها على كيفك
بعدين حطينا عليها ملعقة خظار على الوجه وضغطنا عليها حتى تتماسك
مع الخظار
صورة ثانيه
هنا بعد ما استوت من الاسفل قلبناها ونلاحظ انه الخظار ماسك فيها
بعد ما نتهت تقدمينها بالطريقة هذي .
او بالطريقة هذي .
اتمنى ان تنال إعجابكم تراها سهله
وإذا مليتي من التصبيب
خليها كبيره
بالعافية
