( لوحة من الطف )
شما ارسم نهر تنرسم جربه وياه
ومن ارسم كمر بي تنطبع رايه
ومن ارسم خدر اسمع ونين ايتام
ومن كلب الخيم نيران دوايه
وبس ارسم طفل يطلع عطش مذبوح
ويتعثـّر السانه بجلمة المايه
ومابين المخيم والنهر جفين
عذر لسكينه بيهن عاكسه امرايه
وامسحهن وأرد ارسم نهر والكاه
كلـّه يصير دمعه وحاير بهايه
لان ارسم عبايه وتنكتب زهراء
كعدت على الشاطي وسوّت اقرايه
ــــــــــــــــــــــــــــــــــــــــــــــــــــــ
الشاعر محمد حسن ضيغم
