واحة زهيري ......

[♥ تـنآهيــد أُنـثـى ♥]

رد: واحة زهيري ......

محبوبي نبض ألگلب محبوبي شدة ... ورد
طيفك أگبال ألعين كل ما أروحن ... ورد
بالغربه منك ماشفت مكتوب أليه ... ورد
بس لا صدگ حبيت وتريد تشرد ... شرد
وسفه ألتعب وياك شحچي وشگولن ... شرد
گالولي ولفك رجع ؟ جاوبت راح ... وشرد
أنطيني منك عذر خاطر أجاوب ... ورد​

 

[الهمام]

رد: واحة زهيري ......

غالي انته ماجان شخص يعادلك بالغلا
ومن جسمي كصيت تا تشبع يول بالغلا
خليت كلبي بجدر ليما تلف بالغلا

وجرح الجرحتو ابد لا تضن طاب ولام
وخزن عليه بقهر فوك الجراح ولام
بلمبارك عليك الردي انته عليه ولام

والباعني بالرخص ما اشتري بالغلا ..

 

[الهمام]

رد: واحة زهيري ......

خايف من اهل الحسد لا يــوم يعيونك
وانته نهر للحلا ما جفـــــــــت عيونك
رقــــــــه وجمال ونبل ما لاح لعيونك

اي وحق ربك ما شفـــــــت انا بعينك
منصوخ نصخت حسن بيـه الله يعينك
بس من اتدحك علي دحك بنص عينك

ما ظال عندي قلب يتحمــــــل عيونك

 

[الهمام]

رد: واحة زهيري ......

يا عيد لولـــــه بحلم على الذاكره مرعيد
حزني ولا امنعك سوي الچبـــــد مرعيد
من دون ناسي الفرح غصة صبر مرعيد
والگلب مثـــــل المحمس نـــــار بس گلبي
ويا دنيـــه هاچ العمـــر دولاب بس گلبي
الناس كلــهــه اهتنت بالعيــــــد بـس گلبي
يجرع مرار وغثــــه مــــا چن عليـــــــه مرعيد

 

[احاسيس]

رد: واحة زهيري ......

تلهم يقلبي صبر لعيون من تلهم

ما ضلك أعروك يا مسكين منتلهم

شدّوا عيونك نكـس زتوك من تلهم

خلوك مهموم ها يم في دجى حالك

ناديتهم بالعسر ما حوموا حولــــك

دور وطي النفس حاله مثل حالك

وترك هواهم هذوله أكبار منتلهم



راقت لي

موضوع جميل ومميز
الزهيري من اصعب انواع الشعر الشعبي واجملها

لذالك الذوق في اختيار المواضيع مو غريب عليك
تحياتي

 

[رمااد اانسان]

رد: واحة زهيري ......

ياريت شهر المفارك لا اجه اولاحل
يوميه اكولن تنفرج لاتنفرج لاحل
شد احبال الصبر شداً عزوماً ولاحل
واني ادري طعم الصبر حنظل اومنه امر
اويوم اليمرنه صعب الجاي بعده امر
مكتوب هذا الجرى من الباري كله امر
امره على كل قوي اوعنده نفوذاً وحل

بقلمي محاوله احتااج رأيكم
رمااد اانسان

 

[رعـــشة خــفوق]

رد: واحة زهيري ......

إنتقاء ثريّ بالجمـال والروعــه
سلمت الأنامل ويعطيك العآفيه لروعة طرحك
تقديري

 

[الهمام]

رد: واحة زهيري ......

تلهم يقلبي صبر لعيون من تلهم

ما ضلك أعروك يا مسكين منتلهم

شدّوا عيونك نكـس زتوك من تلهم

خلوك مهموم ها يم في دجى حالك

ناديتهم بالعسر ما حوموا حولــــك

دور وطي النفس حاله مثل حالك

وترك هواهم هذوله أكبار منتلهم



راقت لي

موضوع جميل ومميز
الزهيري من اصعب انواع الشعر الشعبي واجملها

لذالك الذوق في اختيار المواضيع مو غريب عليك
تحياتي

يفلان هم العلي كاع ويطكها كـــــــــرك
ولاتنتخي بكل بشر لوراد دهرك كــــــرك
اشما تتعب وي الردي رايح يصاحب كرك
وثق لو طحت بالعسر بيك الــــــنذالة شفت
واجروحي صبخة وتنز لالاتظنــــــها شفت
يالمنكسر خاطرك هم مثـــــــل هاي شفت
ديج ويعوعي الوكت عالبيض خلا كـــــرك
مما راق لي

مراحب احاسيس
كل الشكر لعبير مرورك الأخاذ
والثناء لروعة البصمة

لك اعطر تحياتي

 

[الهمام]

رد: واحة زهيري ......

ياريت شهر المفارك لا اجه اولاحل
يوميه اكولن تنفرج لاتنفرج لاحل
شد احبال الصبر شداً عزوماً ولاحل
واني ادري طعم الصبر حنظل اومنه امر
اويوم اليمرنه صعب الجاي بعده امر
مكتوب هذا الجرى من الباري كله امر
امره على كل قوي اوعنده نفوذاً وحل

بقلمي محاوله احتااج رأيكم
رمااد اانسان

يا للروعة
اخي رماد
لا رأي لي سوا ان اصفق لك بحرارة
نعم فجر طاقاتك وارنا ابداعك
سلمت وبوركت

تحياتي

 

[الهمام]

رد: واحة زهيري ......

إنتقاء ثريّ بالجمـال والروعــه
سلمت الأنامل ويعطيك العآفيه لروعة طرحك
تقديري

مراحب رعشة خفوق
انرتي الصفحات بروعة الاطلالة

تحياتي