والـــــدٌ يرثي ولداً له....ويحمل المدرسه هموم وأعباء حتى أثقل كاهل جدرانها بالعتاب .

[Banned *]

الســـــــــــــــلام عليكم


الا يقلق ضجيج العربات على سكك المنايا ,,فكيف فتحت المنايا لك ابوابها!!.......
قصيده الشاعر الكبير كاظم اسماعيل الكاطع يرثي فيها ولده رحمه الله .
حيث يقول فيها....................



بده العام الدراسي وبدت الهموم

وبيتي عالمدارس بابه صاير

نسيت ...وداعتك جيت اشتري هدوم

الك ...ومحضر اقلام ودفاتر

مو تسمع قيام ...وليش ماتكَوم؟

ومر اسمك ولا من كَال ...حاضر

الشمس طلعت علينا...مو وكت نوم

وهم عدكم صبح يا اهل المكَابر

وهم عدكم ...ضوه ...وشباچ ...ونجوم

وهم ينطونكم واجب ال باچر ؟

الوالد بالوداع يصير مهموم ..

.وانا اثنينهن والد وشاعر

خيلك طشرتني وچنت ملموم ...

وصارت طيحتي بين الحوافر

اذا عشرين يوم وما شفت نوم..

.شيظل بالحيل بالعشره الاواخر ؟

فراش الفاتحه لو شفته ملموم ..

.بنص كَلوبنا تلكَى الچوادر

يمنه المصبغه ..ودينه لهدوم

الحزنك مشترينه قماش حاضر

تمنيتك جرح ...كلساع ملچوم

وتبات الليل بشفاف الخناجر

انا يا بوي من ونيت مالوم ..

.نزل مني دمع يعمي النواظر

خدودي تعودت تتندى كل يوم ..

.وتحب الماي خشبات الكَناطر

لمت الروح بس شفادني اللوم.؟؟

..شلحك ؟ وبسفينة الموت عابر؟؟

المنايا عالسطح وعيونها تحوم...

عليك ...ونزلتلك نسر كاسر

ستر الله نغگ بديارنا البوم...

اخذ عين الكَلاده وراح طاير

ديني حلاتك حلو الرسوم..

.بلكي انعشگ ، دنيانا مظاهر

اظل كاظم وصبري وياي مكظوم...

لوما هالخشب جوه الاظافر

اهن كاسين بيهن كاس مسموم...

خاف اغلط وبالمسموم اكاسر

بعنه البيت ، ريت البيت مهجوم....

وريت اكثر بعد من هالخساير

تحب انت اللعب والگبر ملموم ...

شلون تحملت وشلون صابر؟

وليش من الهوى يابوي محروم ...؟؟

ونسمات الهوى تطيب الخاطر

منهو ؟ الشوفك صورة المعدوم...؟؟

وليش تعلكَت ياشاب يا قاصر

ما ظنيت زرعي يروح فد يوم ...

وعصافير الحزن تگضي البيادر

من اكتب قصيده تزيد الغيوم...

ومن عيني الدمع يملي الدفاتر

يبقى بهل مطر ياشعر منظوم...

نصاري الحسين وبحر وافر

تحياتــــــــــــي​

 

[حكاية روح]

رد: والـــــدٌ يرثي ولداً له....ويحمل المدرسه هموم وأعباء حتى أثقل كاهل جدرانها بالعتاب .

فراش الفاتحه لو شفته ملموم ..

.بنص كَلوبنا تلكَى الچوادر

يمنه المصبغه ..ودينه لهدوم

الحزنك مشترينه قماش حاضر

تمنيتك جرح ...كلساع ملچوم

وتبات الليل بشفاف الخناجر

وصف رهيب منور القسم بطلتك
لا تحرمنا وجودك
j-(

 

[شواطئ الغربه]

رد: والـــــدٌ يرثي ولداً له....ويحمل المدرسه هموم وأعباء حتى أثقل كاهل جدرانها بالعتاب .

لطالما تميزت بطرح الجديد

والمفيد والقيم

وهذا يدل على ذوقك بالطرح

والتميز بنتقاء الحروف

التي تبقى بصمتها بقلوبنا

وبروح كــل من مرا من هنا

لك ودي وبإنتظار إطلاله أحرفك القادمه

 

[Banned *]

رد: والـــــدٌ يرثي ولداً له....ويحمل المدرسه هموم وأعباء حتى أثقل كاهل جدرانها بالعتاب .

مشكورين عالمرور العطر



تحياتي

 

[ɲσ ɳαɱҽ]

رد: والـــــدٌ يرثي ولداً له....ويحمل المدرسه هموم وأعباء حتى أثقل كاهل جدرانها بالعتاب .

اللـــــــة اكبر
قصيدة مؤلمه بحجم روعتها
أنتقآء مميز دمت مبدع

 

[الشاعر الرياضي]

رد: والـــــدٌ يرثي ولداً له....ويحمل المدرسه هموم وأعباء حتى أثقل كاهل جدرانها بالعتاب .

الله الله الله
قصيده جداا مؤثره
الف شكر يلغالى
ربى يوفقك على الاختيار

 

[Banned *]

رد: والـــــدٌ يرثي ولداً له....ويحمل المدرسه هموم وأعباء حتى أثقل كاهل جدرانها بالعتاب .

مشكورين عالمرور جميعا



تحياتي

 

[מـلـ♥ـڪ ألـבـ♥ـب ألـמـ♥ـدريـدي]

رد: والـــــدٌ يرثي ولداً له....ويحمل المدرسه هموم وأعباء حتى أثقل كاهل جدرانها بالعتاب .

كلمـآت رآئعه حبي يسوري
صرآحه كًلبي أنقبض من هالكلام الي مليان حزن واهات
مشكور اخوية

 

[Banned *]

رد: والـــــدٌ يرثي ولداً له....ويحمل المدرسه هموم وأعباء حتى أثقل كاهل جدرانها بالعتاب .



لا تشكو للناس جرحا انت صاحبه
لا يِألم الجرح الا من به الم


مشكور حبيبي منورني


تحياتي