واهس صفنتي

[آهات حالمه]

الصفنة تأخذ حيل فكري بلا شعور
ويا حلاة الصفنة من تتبع هواك
بيك صاير واهسي وخلقي صغير
وما رهم للناس بس أنت اشتهاك
الناس البصفي شكثر بس أنت غير
عيني ما شافت ولا واحد سواك
هية فترة عشرتك جانت حروف
ومن خلال سوالفك قلبي اعتناك
الشيب البراسي عشك مدري ارتجال
أنت هم شيب البخت مثلي لفاك؟
قبل لا عرفك بليلة براسي ليل
والفجر باض الشعر بس من وراك
آخ من ليل الشتا وتفكيري بيك
بيش تقضي الليل وبرودة شتاك؟
أريد أكتب غزل والحزن ممنوع
وأهديلك القصيدة وبيك أتغزل
يا طشة عشك يا نبع يا ريحان
يا شدة ورد معكودة ما تنحل
حبيتك طفل وبيك المحنة تلوك
يا عشك الحلال ولا تظن أزعل
يا روحي وكياني كلي ميت بيك
والميت بالعشك معقولة هم يعدل؟

 

[الرااااكد]

تسلمي على النقل اختي
الموقره آهات حالمه
جهود طيبه بارك
الله بك

 

[العذبة~]

إنتقاء ثري بالذائقه
سلمت ودام رقي ذوقك
بإنتظار القادم بشوق
كل الود لروحك

 

[آهات حالمه]

شكرا للمرور الذي عطر المكان
ونشر بشذاه أركان موضوعي

 

[رمااد اانسان]

أختيار موفق يسلمووو على النقل والمجهود
أرق تحية طيبة

 

[آهات حالمه]

شكرا للمرور البهي الذي عطر المكان
ارق التحايا