وتَبقَىَ آلذكَريآتَ شَيِ جَمميَلَ ،/#

[ســــلطان زمـــانه]

رد: وتَبقَىَ آلذكَريآتَ شَيِ جَمميَلَ ،/#

اطلق محابيل الغلا / وابعد الشوح

........... ماعاش من يربط مطاليق الارواح



انفض غبار الحزن : ماعادت جروح

.......... وافتح شبابيك الجفا / لكل من راح


الى متى / ونساير الحزن والنوح

.......... والى متى هذه المعاناه / تجتاح


هذا الزمن درسه يعلم على لوح

........... والمشكله لاصار وجهك له الواح


يرسم دموعك والشجن صار مبحوح

........... وهذه مطاريقه على وجهك اشباح


ماهو كفو من نزل دموعك يلوح

............ في خافقك / تبقى له احلام مرتاح


الحب ماهو فترة ايام ويروح

............ وقلوبنا ماهي تسلي / ومسراح


اما نعشق وعشقنا يبني صروح

........... والا نقفي / ومابنينا ترى طاح



يكفي حزن : ياصاحبي وانت مسموح

........... ولاتشتكي لغيـمٍ مقفي ومنزاح


العشق لامنه ذبل يقتل الروح

.......... وحد الجفا : حكمً على كل من راح

 

[ســــلطان زمـــانه]

رد: وتَبقَىَ آلذكَريآتَ شَيِ جَمميَلَ ،/#

احلفك بالله قلبك مافقد خله
ما اشتقتلي وما تعبت من الصد والفراقا
ماحن قلبك بعد هالبعد ذا كله
ولا تعودت وودك بعدنا يبقى

***

لا تدفن الشوق وتنهي حبنا بزله
تدري بحبي وتدري بمثله ما تلقى
معقوله من غلطتي تنسى وتتخلى
ولا انت ما صدقت وللعذر تلقى

***

عندي امل وطير مهما تعلى
يرجع ويلقى الارض للقاه شفقه
ان كان قلبك يبيني دربي تدله
وان كان ناوي فراقه الله يوفقه

 

[ســــلطان زمـــانه]

رد: وتَبقَىَ آلذكَريآتَ شَيِ جَمميَلَ ،/#

 

[ســــلطان زمـــانه]

رد: وتَبقَىَ آلذكَريآتَ شَيِ جَمميَلَ ،/#

ويني .. شوفو من يسألني ويني
اللي حب دموع عيني
اللي غنى في انيني
اللي قال البعد اريح
ماسأل وشصار فيني

ويني ..

***

وينه عني لما عشت عمري يمه
وكان همي همه وشوق الدنيا فيني
وينه يوم جيته كل حب رجيته
وقال ما يبينــــــــي

***

توني صرت خله وشمسه ويا ظله
قربي صار احلى وناوي يحتويني
توه بس ذكرني وتوه بس عرفني
وقلبه مشترينــــــــي
ويني .. شوفو من يسألني ويني

 

[ســــلطان زمـــانه]

رد: وتَبقَىَ آلذكَريآتَ شَيِ جَمميَلَ ،/#

قصيدة رائعة عن الفراق

عقب البطا لاقيت ظافي الجديلات = ياليتنا عقب البطا ماالتقينا


سلمت وقلت لنور عيني سلامات = وش غيًرك ويش السبب ما تبينا


دنق وقال ارجوك إنه العلاقات = شيٍ حصل ماعاد هو في يدينا


قلت السبب قال الليالي غريبات = إنه العلاقه واعتبرنا انتهينا


انا بحبل انسان ماهي دعايات = ارجوك ابعد خايف انًه يجينا


طالعت فيه وهلت العين عبرات = في ساعةٍ غصبٍ علينا بكينا


حاولت اعبر عن همومٍ خفيات = بس الحكي شيفيد مهما حكينا


كتمتهن بالجوف لوهن قويات = راضي على ماصار لو مارضينا


وآخر كلامه قال لي كم كلمات = لاتسيء ضنك في غصبٍ علينا


ولف العباه وراح وانا بحسرات = فرقاًجرت من غير ذنبٍ جنينا


وقفت اخايل غض الأنهاد لحظات = فيهن تهدم كل شيٍ بنينا


وقمت اتذكر كل شيٍ لنا فات = قبل ايتغير بالمحبه حدينا


ياما سهرنا بأظلم الليل ساعات = وياما طلع نور الفجر مادرينا


وياما لنا فوق المراقيب ذكرات = وعلى جبال الزور ياما رقينا


وياما تحملنا الصعوبات مرات = وياما على سود الليالي شكينا


على زمانٍ فات جريت ونات = لو هن على ضلعان مكه تلينا


اقرا الموادع بالقصص والروايات = لاشك ماضنيت بيصير فينا


وارجع واكرر كلمةٍ لي بسكات = ياليتنا عقب البطا ماالتقينا


الــــــــــــــــــجزء الثــــــــــــــــــاني


تكررت عقب البطا والتقينا = من عقب مامرن سنينٍ طويلات


في صدفةٍ فيها حشا مادرينا = ولاهقينا نلتقي عقب مافات


لاشك جابتها الليالي وجينا = رغم الفراق ورغم ذيك المسافات


في موقٍف بان التوتر علينا = لحظه تلين إبها القلوب القويات


قالت شلونك قلت ربك عوينا = الحمد لله عاضني عقب لوعات


الله رزقني في هنوفٍ تبينا = احيت خفوقٍ كان بعداد الأموات


هي نور عيني فرحتي والضنينا = ألقابها عن ظيقة الصدر سجات


قالت سليت وقلت عقبك سلينا = لكن عقب مالاعنا الحب مرات


قالت شلون وقلت لاتسألينا = مافات فات ولا تفيد الحسوفات


قالت تكلم قلت مهما حكينا = الدمع ماينفع عزيزٍاليامات


قالت نسيت وقلت لامانسينا = لكن قنعنا والقناعه من الذات


قالت أروح وقلت وش في يدينا = روحي عسى في كل خطوه سلامات


بصبر على فرقاك مهما حيينا = ولا تشوه صادق الحب زلات


قالت على ماكنت دنيا ودينا = تكرم ونكرم عن دروبٍ رديات


قلت اسمحيلي قبل لاترحلينا = يم الديار اللي علينا بعيدات


تراي ذخرٍ لاحدتك السنينا = اجيك مهما واجهتني صعوبات


من اليوم اخوك وغيرها ما بغينا = كلي فداك ان صار بالوقت ميلات


وتبسمت بإعجاب مدري حنينا = وتهشمت قدام عيني بعبرات


قالت فمان الله قلت انتهينا = واقفت تكلم نفسها بس بسكات


وقفت تقديرٍ لها ثم مشينا = دربٍ مشوه اهل القلوب العفيفات


امشي واردد ليتنا ماالتقينا = وش جابها عقب السنين الطويلات

 

[ســــلطان زمـــانه]

رد: وتَبقَىَ آلذكَريآتَ شَيِ جَمميَلَ ،/#

واحد شاف وحده





قمرا...
... بس لحظة
فيني اتكلم معك ...؟!
لو سمحتي لي بدقيقة
فيني افضفض بكلمة ...!!
ابي اقول اللي بـ نفسي ... بـ اختصار
" وربي ان خصرك دلع ...؟!
وضحكتك سكر زيادة ...؟!
وآنا من عامين اشرب قهوة الأشواق سادة "
يلعن " اختين الدَمار " ... وربي تفاحات صدرك اسلحة موت وإبادة
قمرا...
ليش ضحكاتك مطر
وريحة انفاسك عطر
وشوفتك " كل السعادة "
وبين نهدينك مدينة شعبها كله بنات ...
وفي شوارعها ورود
واسمها " احساس وحنان ...؟! "
بس منزوعة " سيادة "
ليش ما نشبع ابد ...؟!
كل مشهد من غرامك مل من كثر " الإعادة "
بذمتك ماهو قهر
والا خصرك صار في دمه عناده ...؟!
ها يا قمرا...؟!


بس هذا اللي بقوله
وآنا آسف لو تسببت بـ حَرج
ادري ان خصرك فديته ماهو بـ حاجة إشادة
بس والله ما تحملت السكوت
شفت من واجب احاسيسي اقول الـ " كلمتين "
يمكن اكثر ... بس مافيهم زيادة
ومني لِشفاهك سلام ... ومني لـ خصرك شهادة
وخالص اشواقي بعد
واعتذاري
آنا اوقع لك عليه
للتمشي بـ موجبه لـ عيون قمرا وإعتماده
قمرا...
مادريتي ...؟!
يشهد الله ... شفت آلاف الشفايف
الكبيرة ... والصغيرة ... واللي مبرومة بَرّم ... واللي مكنوزة مثل كنز الوسادة
والخصور
اللي ريحتهم بخور ... واللي متحزم بـ نور ... واللي صاحبته مقلدته قلادة
ماهو نقصانٍ بهم ... ولا قُصور
بس كلهم عندك ( صفر )
انا شايفهم كذا
جمر خصرك " كلهم فدوّة رماده "
قمرا...
بس باقي لي سؤال ...
ليش كلك على بعضك ماركة في ماركة ...؟!
مدري ليش احس خَصرك " قوتشي "
والردايف " جورج ارماني هبال "
والنواهد ماركة " فرساتشي "
ودمعتك نكهة " ديور "
والعَرَق في راحة كفوفك " جفننشي "
وريحة انفاسك " شانيل "
والشفايف " ختمها نجدي خبال " كنها جَرة عسل
واذا اقفيتي " ماركة وهـ بس " يا " أُم الإبادة "
احلى شي القهوة السوداء بـ يدك " سادة ... بس سكرها زيادة "
ها يا قمرا
وش رايك تجين
انا وانتي في دفى حضن الشتاء
وخلي النايم ينام ويهتني بلذة رقاده

 

[ســــلطان زمـــانه]

رد: وتَبقَىَ آلذكَريآتَ شَيِ جَمميَلَ ،/#

شهيتني صوتك و جوعتني جوع
مستوحش من غيبتك قدلي(اسبوع)​


......يا حيف تنساني وانا ما اقدر انساك
وكل القضيه صوت دافي ومسموع​


..... من عبر جوالك وانا اسمع حكاك
كني مابين اضلاعي العوج ملسوع​


.... كل ما آتذكر يا المقفي سواياك
الهجر في سلم الاجاويد ممنوع​


..... لكن صغير وعاذرك .. ويش دراك !!
قلبي لا كنه يا اريش العين ممزوع​


...... مزعة قدم حافي وعاثر بالاشواك
من يوم ما قفيت والدمع ينبوع​


.......كنه يتدفق من عيوني ويرجاك
لكن مشيت وصار لشداد مرفوع​


....... ولا عاد بك حيله وقفت مطاياك
واصبحت كني خالي العقل مصروع​


.... وجف الحكي من قبل لا انطق ولا جاك
شهيتني صوتك .. وجوعتني جوع​


...... ويا حالة محبك .. ويا شين فرقاك
تحدني لقصاي واجي لك بطوع​


...... وانا ما آحب اني احدك على اقصاك
وش ذنب من حبك يلاقيك دلوع​


...... تخطي عليه وكل ما اخطيت مشاك
ما للخطايا منك ناتج ومجموع​


....... سوى العذاب بخافق اللي تمناك
لكن على الله والامل غير مقطوع​


.......في شوفت عيونك وفي لمس يمناك
من يوم غبت وكل ليله لي شموع​


.......... تذوب لين الفجر حتى تحراك
ابكي بدمع اللي لقى آخيه مصروع​


.......... ويصيح كنه يوم اناديك ناداك
فيني لحبك ارض واشجار وفروع​


.............تشبها بالطيش وآنا اتدفاك
باتقول لي وشفيك باقول موجوع​


.............باتسبني من خاطرك باتفداك
الله خلقني انسان لكن لي طبوع
..... بس الوكاد انه عطاني ولا اعطاك​


اني احس بغيبتك طول ( الاسبوع )
...... وانك على بالي ولا اقدر انساك !!

 

[ســــلطان زمـــانه]

رد: وتَبقَىَ آلذكَريآتَ شَيِ جَمميَلَ ،/#

أعاني من الغياب .. الف ضيقه والفين اكتئاب

 

[ســــلطان زمـــانه]

رد: وتَبقَىَ آلذكَريآتَ شَيِ جَمميَلَ ،/#

ليت وقتي خطوُته ترجع ورا
ودي بذيك السنين اللي مضت ،
اه يا شخصاً ليا منه طرا ؟
ابتسمت شوي "وعيوني '' بكت n

​

 

[ســــلطان زمـــانه]

رد: وتَبقَىَ آلذكَريآتَ شَيِ جَمميَلَ ،/#

الالم والهم والخوف الدفين
والشقى والضيم واهات العنا
والاسى والظلم والدمع الحزين
كلها اسماء والمعنا (انا )...