وردت اعذرك

[فقار الكرخي]

كاظم الركابي


من يطيح الليل واحلامك غميجة
ماتطفي الماي جمرة
ومن تمر بيك العوافي يطول عمري
واعلگ ارموشي شمع و وساده گمرة

وردت اعذرك ...
والعشگ نجمة بعيدة وعين المحبين عثرة
وليش اعذرك ؟
وانت شتلة خاطر وعطشان صبرك
لا لگيت ابمستحة الحبوك گطرة
ولا تصح غيمة وتمطرك
تذبل اگبالي واشب نار اعلى ورقة

اطفى سكته وعمري يندار اعلى عمرك
لاني عشت عيون شذره
ولاصغت روحي اعلى اصبعك
ولاتصح للموت سچه وافتح عيوني واتبعك
امنيلي الحيل وانشدك
كون امد ايدي اعلى گلبك !!
والزم الحسره التوّجعك

وليش اعذرك
وانت كحلت السمه بتعبي وسماري
ولاتعب وياي صبرك
وذاك چفك
عاند الحنه الغريبه وگتلي من چفك حلال
ونزلت دموعك تطفي شموع حلمك
من گلتلك ؟
ياثمرتي : ضوگ غيري من السلال ؟

بغيري وازوك اشكثر بس ما شفتهم
وگتلك يضيعوك بالظلمه البعيده وگتلي اندل
وگتلي بس ضويلي عينك
اصعب اعلى اهلي وارد وياك واسهل

يازغير .
الشيب وي عمرك كبر حسبته چذبة
ليلة ليلة وداعتك تغفه واحسبه

 

[ملكة]

مشكور على الجلب دمت بخير وعافية

 

[قيصر الحب]

بدااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي

 

[فقار الكرخي]

منورين

 

[عطري وجودك]

طرح راقي ومميز
يعطيك العافيه على روعه طرحك