كلام علي ورق دبلان.. فيه حكايه شخص قاسه كتير من الحرمان
عاش طول حياته وحيد وعمره ماحس بأمان.. جه ولما فكر يحب ويحس بأمان حط قلبه في ايد خاين وجبان
جاي وبعد بكي السنين يكتب قصته مع البني أدمين
قابل شخص وحبه سنين وطلع في الأخر خاين مش أمين
خد منه البسمه والضحكه وأختفي في غمضه عين
وعده مره وأتنين أنه يفضل جمبه ويخليه يشوف الحنين
وجه في الأخر رماه في وسط بحر كله صيادين
اللي يرمي عشان يلاقي قلب طيب يضحك عليه بكلمتين
واللي يصطاد الغلبان يقوله أنا بين أيديك الأتنين
أضحك ولا أبكي عليك يازمان.. بقي فيك الأنسان عايش في وسط بحور كتمان
لا عارف أزاي يعبر عن الحزن..
حتي الحزن لما أتكتب علي الورق طلع الورق دبلان