رد: وينبض القلب بين أضلاع
النساء كثيرا ما تتهم بعدم الوفاء وكأن الرجل معصوم ولسان حال
احدي الفتيات التي وفت بحبهاوأعطت ثمارها لتجد الخيانة وقدارتأيت أن أضع معاني للكلمات كون اللهجة العراقية صعبة بمفرداتها تقبلواذلك بخالص الود من أخيكم محمد المقاول
أنت الجنت وكت الضيج
ملهوف وتجي أبسدي
وأنت الجنت
ماي العين
وكت الضيج تشرد
وانا أضل وحدي
وأنت أخ شحجي أعليك
سبع اللوان
ياهو الجان اله تدي
ضنيتك ألي
ما تنزوي للغير
ولأدري وكح
توكف ولك ضدي
انه انطيت وكت العوز
انطي لكمتي
الماتكدر أتعدي
انه طبعي سمح
ما أزعل انا وي الناس
وكل الناس
تتمنه ولك ودي
أذكرك من جنت أنطر
وهمن بيك
وأنت وي غيري
قصد متعدي
تذكر من جنت
تتمنى بس ملكأي
خذت مني مرادك
ونكرة ودي
خذت أنت التريده
أأأأأأأأأخ أعض بشافي
خزن جرح كلبي
وضل دمه يدي
أنا الـتنظرب
أبطيبتي الأمثال
أنا ألماكرب
محتال يم حدي
انه راية وفه
مرفوعة بين الناس
وعشكي موجذب
عشكي ألك جدي
روح اخذ التريدة
أتشوف بيه الخير
وتضل بالعين كحله
وبس ألك صدي
كلبي مو مثل كلبك
يحب مرات
كلبي حبك أنت
وبس ألك وجدي
صح أنا احبك
وأنت ضي عيناي
بس ترجع ألي
لا هذا ماعندي
أعيش أنا وخيالك
ما أعيش وياك
ما احمل مرارك
وأنت مو كدي
الرجل من يلزم الشارب
عهد كافيه
وأنت غيرتك
انزاحت أبحدي
تقبوا تحياتي
بقلم
محمد المقاول