ياجرح تكفى وشبقى راحت الروح

[عبد الرحمن]

عـزي لـمـن قلـبـه علـيـلٍ ومـجـروح
وعـزي لمـن همـه سـرى بـه وعـنّـاه
ذكراي ظلم وحــاضري ضيم وجروح
واصعب أمل بيت السعـــــادة ومبناه

اخفي شعوري والنكد فيه مفضوح
لو جف دمعي جابه الوجــــــد ينخاه

ياجرح تكفى وش بقى راحت الـروح
ياجـرح غابـت فرحـتـي ويــن ابلـقـاه

يامـا بكيـت وطـال ليلـي مــع الـنـوح
ويامـا مـن التعذيـب عشـت المعـانـاه

أرفق علي ياجـرح ياجـرح مطـروح
من لـي زمـان بيـاس عايـش مـع الآه

أمشـي بهالدنيـا علـى غيـر مصـلـوح
وقلـبـي يلـوفـه زايـــد الـهــم ويـــلاه

همي عشيري صاحبي وين مـا اروح
مـا بـه طبـيـب معـالـج غـيـر رحـنـاه

قالـوا قـدر مقسـوم لازي مـع الـروح
قلت ارحموا هاتوه وش هو وش دواه

قالوا تعـذّب طـول عمـرك ومسمـوح
لـو نحـت لـو عانـيـت عـمـرك بلـيّـاه

#شعر / عمر بن عبدالمحسن

 

[mohammed.shams]

شكرا للجهود المبذولة

 

[عبد الرحمن]

شاكر مرورك
استاذ محمد شمس
منورر

 

[عطري وجودك]

سلمت الأيادي ..
ويعطيك العافية لـ جمال الآنتقاء
لروحك جنائن الورد

.

 

[عبد الرحمن]

عطري وجودك
شاكر لك مرورك الانيق
لاخلا ولاعدم
دمتي بسعاده ابديه

 

[عبد الرحمن]

عطري وجودك
شاكر لك مرورك الانيق
لاخلا ولاعدم
دمتي بسعاده ابديه