((يبو ثوب المغفل))
هناك حكمه تقول (القانون لايحمي المغفلين)
يبو ثوب المغفل ضدك القانون
بيبانك دلع ولقاصه قطعة خام
شفت كنزين عدك آنه عيني اتبوگ
سد شباك زيجك راح اكسر الجام
رمانات موت اوبيك مزروعات
كتللني اومتت وانصب ليه اخيام
ماعندي دليل اوخاف اتهمك بيه
كشفهن عليمن لابسات الثام
مو شمام هذا البعض متوهمين
غم راي الغشيم الگالك شمام
ارانب حدر جيدك ضامات الروس
تجفلهن مشيتك والجدم ينلام
كف عطرك ضربني اهواي بيه ايعيل
انته اشلون مسلم تدعي الاسلام
لاتفتح شهيتي اوتمنع الماعون
دخيلك شيل جدرك آنه عندي ايتام
اذا مارد رغبتي الاهوج المجنون
استيقظ من سباته اونكت روحه اوگام
اذب المستحه ابأقرب صلافة عين
واكفر بالرزانه التحرم المحتام
تطيني گفاك ابهاي مامعذور
ساعتهه انتفض وشفافي ماتلام
تعد خرزات ظهرك وحده وحده اصعود
تتزحلگ اوتنزل ماتلوح الهام
اعقل. ابتعد.ارجع بعد لتگول
صدگني اعقلت ورجعت ليگدام
حبيبي البادي اظلم صدلي عين ابعين
اريد اشبع عسل خلصت عمري اصيام
اريد اشبع عسل خلصت عمري اصيام
الشاعر يحيى العلاق
https://ar-ar.facebook.com/dywanalsharyhyyallaq/posts/245389115579763?comment_tracking={"tn":"o"}هناك حكمه تقول (القانون لايحمي المغفلين)
يبو ثوب المغفل ضدك القانون
بيبانك دلع ولقاصه قطعة خام
شفت كنزين عدك آنه عيني اتبوگ
سد شباك زيجك راح اكسر الجام
رمانات موت اوبيك مزروعات
كتللني اومتت وانصب ليه اخيام
ماعندي دليل اوخاف اتهمك بيه
كشفهن عليمن لابسات الثام
مو شمام هذا البعض متوهمين
غم راي الغشيم الگالك شمام
ارانب حدر جيدك ضامات الروس
تجفلهن مشيتك والجدم ينلام
كف عطرك ضربني اهواي بيه ايعيل
انته اشلون مسلم تدعي الاسلام
لاتفتح شهيتي اوتمنع الماعون
دخيلك شيل جدرك آنه عندي ايتام
اذا مارد رغبتي الاهوج المجنون
استيقظ من سباته اونكت روحه اوگام
اذب المستحه ابأقرب صلافة عين
واكفر بالرزانه التحرم المحتام
تطيني گفاك ابهاي مامعذور
ساعتهه انتفض وشفافي ماتلام
تعد خرزات ظهرك وحده وحده اصعود
تتزحلگ اوتنزل ماتلوح الهام
اعقل. ابتعد.ارجع بعد لتگول
صدگني اعقلت ورجعت ليگدام
حبيبي البادي اظلم صدلي عين ابعين
اريد اشبع عسل خلصت عمري اصيام
اريد اشبع عسل خلصت عمري اصيام
الشاعر يحيى العلاق
