يله كل عضوو ينزل ومضه .ع ذوقه

[mohammed.shams]

رد: يله كل عضوو ينزل ومضه .ع ذوقه

طولك خارطه وعينك حضارة اور
ومن سومر رموشك صاغهن ربك
ونهرين وحضاره وخارطه وتاريخ
يعني انت العراق شلون ما احبك

 

[mohammed.shams]

رد: يله كل عضوو ينزل ومضه .ع ذوقه

هية قسمة ونفترك تالي اكيد
وادري راح تروح مني بلايا رجعة
يا اول فرح سير على الروح
ياحب الورق يأرق خدعة
لون ناوي الهجر وتريد فد نوب
تعال اخذ الكلب وياك كطعة
ما احمل الم وشايلني الثوب
وماتلكة جسم لوثوبي انزعة

 

[mohammed.shams]

رد: يله كل عضوو ينزل ومضه .ع ذوقه

حد كَطع النفس بية واغار عليك
واخاف تمر ايام وتنساني
ولو ادري بوفائك تختلف يازين
بس شوف القلق ليوين وداني
يا أول احبابي واخر اصحابي
يااول قدم ع درب الهوى مشاني
واذا دمعي نهر،ابجيه كله عليك وخلي الروح بعدك دايم تعاني

 

[mohammed.shams]

رد: يله كل عضوو ينزل ومضه .ع ذوقه

شمايعلة الضحك هم يبقى مخنوك
يموت من القهر بس شوفة دمــعة
الدمع صح ماي لاكن شايل احساس
صــوت منيـــلة ويصــرخ نسمعــة

 

[mohammed.shams]

رد: يله كل عضوو ينزل ومضه .ع ذوقه

الناس تخاف ماتحمل هويات
الهويه بجيبهم صارت منية
ذبوها المنية وطلعوا الناس
لكوهم جثث مجهولة الهويه

 

[mohammed.shams]

رد: يله كل عضوو ينزل ومضه .ع ذوقه

حب من طرف واحد انته والموت
تكرهه انته جنت ..هو يحبك
عبد كله تحبك جانت الناس
وقبض روحك لان حباك ربك

 

[mohammed.shams]

رد: يله كل عضوو ينزل ومضه .ع ذوقه

اصد وجهي عليك بحضني الگاك
ادفعك برى صدري بگلبي متربع

اشوف الناس كلها أبوسة تنسى الصار
وأبوس بيك ساعة وانت ماتشبــع

اصيح عليك صوت يهـــز الجبـــــال
وتسمعني وتكلي شون ماسمع

هذا اني بمنامي وهذا حلمي وياك
ومن اكعد عليك العين بس تدمـــــع

 

[mohammed.shams]

رد: يله كل عضوو ينزل ومضه .ع ذوقه

وداعتي--من موعدك خضرلي شيب
واني صادق من اكول وداعتي
ومن كثرمامنتضروقت القاء
انطبع وجهي اعله جامت ساعتي

 

[mohammed.shams]

رد: يله كل عضوو ينزل ومضه .ع ذوقه

شفتك ماگمتلي بساعة المريت
بية الصوچ وانته من الذنب خالي
خدرانات أدري من التعب رجليك
هلگد ماتروح وترجع ابالي

 

[mohammed.shams]

رد: يله كل عضوو ينزل ومضه .ع ذوقه

الفقير فلوس جدة خاطر يعيش بس انة اختلف عن اليجدون

موش فلوس اجدي ولادنانير اجدي اصوات ربعي الماينشدون