يله كل عضوو ينزل ومضه .ع ذوقه

[رمااد اانسان]

رد: يله كل عضوو ينزل ومضه .ع ذوقه

اتنفسك وكت الفجر واتخيل اعيونك
والروح تاخذني غصب ماتكدر بدونك
ليل اليمرني صعب حسرات وضنونك
بالجذب مامره اسالت ماكتلي اشلونك
حققت مطلب حلو للرادو يبعدونك
رمااد أأنسان

 

[رمااد اانسان]

رد: يله كل عضوو ينزل ومضه .ع ذوقه

عطش صايم عليك الكلب عطشان
يتامل فطوره بصوت الاذان
وانا اتامل اشوفك واكتل الحرمان
ونكعد وسولفلك حكاوي كان ماكان
واضحك وطرز ليلي بالنظرات
واكتب ذكرياتي ابفرح عالحيطان
وشبك خصرك الناحل ويه المتون
وانعل ابو ابليسك والعن الشيطان
رمااد اانسان

 

[رمااد اانسان]

رد: يله كل عضوو ينزل ومضه .ع ذوقه

طـولـي يـذوب
وأعرگـلك عرگ فلاح
كض مسحاته و بتموز
لو طاريك مَـر بليله گمريه
يمَن طاريك
مو طاري أحس تنور
أعرگ
و أحترگ
و أنصاغلك إنسان
و أبقه رماد
و أرد ردود
أوِجَن
و أشتعل
و النيل أحس ما يلحگ عليه

 

[رمااد اانسان]

رد: يله كل عضوو ينزل ومضه .ع ذوقه

رادونه نتلاگه أصنام
مايدرون ،
عشگك مثل دم مچتول
ضاعت چم سنه ,
وما ضاع .

 

[رمااد اانسان]

رد: يله كل عضوو ينزل ومضه .ع ذوقه

شكثر ريحان بعيونج
دغمضي لايحسدونج
اريد خدودج اشويه
عيوني معوزه حنيه
اريد الكاج بس يمي
واظل انشد عليج امي
وعليج انسولف هوايه
واكلها العافيه بهايه

 

[رمااد اانسان]

رد: يله كل عضوو ينزل ومضه .ع ذوقه

لو تنباك جا بكتك
بس عطرك يسويها
ويدليهم ... علي

 

[رمااد اانسان]

رد: يله كل عضوو ينزل ومضه .ع ذوقه

على شفافك صبح ماشافته الناس
بس اني احسه وانعم بشوفه
وبكلبي جرح من يوم فركاك
عاجبني نزيفه !!عاجبني ماروفه
رمااد اانسان

 

[رمااد اانسان]

رد: يله كل عضوو ينزل ومضه .ع ذوقه

لملمني بيدك فرح والعالمك ودني
اكرب عليه بعد اكرب علي ودني
ماريد غيرك ابد بس انته لي ودني
ضمني على صدرك بعد يالريحتك جنه
منك يغار الكمر جي وجنتك جنه
رايد اعيش بعالمك صاب العقل جنه
وياك امشي ابصمت وشقررت ودني
رمااد اانسان

 

[رمااد اانسان]

رد: يله كل عضوو ينزل ومضه .ع ذوقه

جاماني زماني غفل جاما
اوخلاني بحلك تنور جاما
شفتني تلوج بيه النار جاما
شلتني والحكت عالضال بيه

عباس العبادي

 

[رمااد اانسان]

رد: يله كل عضوو ينزل ومضه .ع ذوقه

حبيبي شتنكط اشفافك عسل جن
واذا انساك يركبني عسى الجن
انه مسودن اوبيك ادعي عس الجن
السطر راسي اوهذن رعشات اديه