چِنَّه بالمجلس گبل نشتم عزاء

[ابو مناف البصري]

چِنَّه بالمجلس گبل نشتم عزاء
يسگي بالضامي لحضر من دمعه مي
كون ارجع مامضه وذيچه الدموع
والسنين اللي جزت اطويهه طي
اوف لو هسه يجي حمزه الزغير
ريت يامُلــــه صدگ كون انت حي
كون ياسين اوطن بين الجموع
اتعيـد إلي ذاكه العزه وترده لَي
ريت كاظم بالقلم يحضرني ريت
نظره من منظور خل ينظر عَلَيْ
ملا فاضل خل يجي وعبدالحسين
كون سرعبدالرضا مابين ايدَي
وين عبدالزهره خل يقره الطفوف
خله يرسم عالضعن بل ونه في
وينه غفله بهالوكت بين السطور
ارد اصيحن بالهضم وينك يخي
ارد انادي الوائلي بحسره اونين
انت تدري بمحنتي وكلشي اللي بَي
وينه عبدالهادي خل ينعه وينوح
ريت كل ذيچه الخدم تصبحلي ضي
هيمه صاير مجلسي وبلا شعور
راحت اطوار الحزن مامنهه شي
بالحداثه منشمل لطم الصدور
والتمايل للأسف اصبحله زي
يعتلي المنبر نغم باع الضمير
عدنه چم طور الطلع من لدِي جي
يرتفع ضغط العزه من اليصير
لونه اصفر ينگلب چن عنده قي
طوري يلطم گصته من طبله راب
هاج بركان الشعر ببحوره وي
ريت اسوي محكمه ونآخذ قرار
نروي بي هالمعتقد بالدمعه ري
كون فتوه بكل عزه تصبح شرار
تحرگ الراب وهله وتكويهه كي
الصغير المقصر
ابو لقاء البهادلي

 

[المشتاق]

أخي الكريم أبومنآف البصري
شكراً لما تفضلت به مِن نقلٍ موفق
لقصيدة تضم أسمآء لاتُنسى لآزآلت أصوآتهم خآلدةً في أذهآننا
وشكراً لنآظم الأبيآت أبولقآء البهآدلي
يحفظكم المؤلى ويرعآكم​