گبل حتى السلام يغزر امن بعيد
مو بس الطعام وخبزه مملوحه
گبل عالفطره كلشي وچنه مرتاحين
چلمات الغلط چانت ممسموحه
گبل چان الصديج يشيل حمل اثجيل
وي ناسه لتحبه يفوت للوحه
گبل لو طاح صاحب تنهضم الاحباب
تحضنه بكل محبه اتضمد جروحه
گبل عالنيه جارك عايش ومرتاح
كلشي امأمنك بيبانه مفتوحه
گبل حتى الطريق لتمشي بي مامون
عيد بكل كتر منصوبه مرجوحه
گبل سرك غميج ومخفي عن الغير
لان صاحب وفي ومايگدر يبوحه
ليش بهالوكت صار الملح تيزاب
وفطرتنه السليمه بسيف مذبوحه
ليش احباب چانو هسه شو تيهوك
ملتهيه اسف كل واحد بروحه
دربك ذاك شو هم بي حصل تغيير
انفگد ذاكه الامان وبدله بنوحه
ليش اسرارك المحد عرفهه بيوم
صارت بالسلف هاليوم مفضوحه
شرد احچي وسولف والنفس مخنوگ
حمل ماظل بعد شو كلهه مطروحه
حريه الاجت چذبه وضحك عالناس
بسببهه اشگد دمه عالخالي مسفوحه
صبح ذاكه الكريم بهالوكت منبوذ
والينهب عفيف وساكن الدوحه
اذا جيبك ثگيل وانت مو ختيار
تصبح كل صفات البيك ممدوحه
بعضنه وللاسف متستر بعاشور
حسباله يطش وكلشي ميلوحه
دمع تمساح دمعه مايهل باحزان
چثيره دموع احسنهه بلا املوحه
دمعات بمحرم چانت باحساس
واصوات الحزن بل ونه مبحوحه
شنهي اللي تغير والوضع يندار
ونهر لمايغرگ خان سابوحه
الصغير المقصر
ابو لقاء البهادلي
مو بس الطعام وخبزه مملوحه
گبل عالفطره كلشي وچنه مرتاحين
چلمات الغلط چانت ممسموحه
گبل چان الصديج يشيل حمل اثجيل
وي ناسه لتحبه يفوت للوحه
گبل لو طاح صاحب تنهضم الاحباب
تحضنه بكل محبه اتضمد جروحه
گبل عالنيه جارك عايش ومرتاح
كلشي امأمنك بيبانه مفتوحه
گبل حتى الطريق لتمشي بي مامون
عيد بكل كتر منصوبه مرجوحه
گبل سرك غميج ومخفي عن الغير
لان صاحب وفي ومايگدر يبوحه
ليش بهالوكت صار الملح تيزاب
وفطرتنه السليمه بسيف مذبوحه
ليش احباب چانو هسه شو تيهوك
ملتهيه اسف كل واحد بروحه
دربك ذاك شو هم بي حصل تغيير
انفگد ذاكه الامان وبدله بنوحه
ليش اسرارك المحد عرفهه بيوم
صارت بالسلف هاليوم مفضوحه
شرد احچي وسولف والنفس مخنوگ
حمل ماظل بعد شو كلهه مطروحه
حريه الاجت چذبه وضحك عالناس
بسببهه اشگد دمه عالخالي مسفوحه
صبح ذاكه الكريم بهالوكت منبوذ
والينهب عفيف وساكن الدوحه
اذا جيبك ثگيل وانت مو ختيار
تصبح كل صفات البيك ممدوحه
بعضنه وللاسف متستر بعاشور
حسباله يطش وكلشي ميلوحه
دمع تمساح دمعه مايهل باحزان
چثيره دموع احسنهه بلا املوحه
دمعات بمحرم چانت باحساس
واصوات الحزن بل ونه مبحوحه
شنهي اللي تغير والوضع يندار
ونهر لمايغرگ خان سابوحه
الصغير المقصر
ابو لقاء البهادلي
