أنا من النوع اللي اعرض النصيحة , وأشوف الإنسان الي قدامي لو اخذها و تعدلت اموره , أفرح بدآل المره مليون , انا من النوع اللي ما يتمنى الشر حق أحد , وأحاول قد ما اقدر اني اوجهه لطريق الصح على الأقل في وجهة نظري . عل الاقل في الامور الي انا مريت فيها ! سألني ( أسولف له ) بأني من النوع اللي يسولف ويتكلم عن نفسي وايد ! كتاب مفتوح .. فضحني . قدام الناس كلها ,! كتاب مفضوح صار الكل يقدر يقرآه لـــــــــــين واحد عرف يآآآخذ الكلمات ويبدل أماكِنها ,,, عفس كتابي .. عفسني .. صرت ما اعرف أقرآني ,! صرت ما اعرف اتكلم عني ,! صرت غريب قدام الناس .. صارو يقولون لي : اسلوبك تغير .. طبعك تغير ... كل شئ فيك تغير ! وتخيلو انو اللي عفس كتابي وغير كلماتي وغير السطور من تحت لفوق .. ( كِسرني )
, والله العظيم ( عورني ,, وجرحني .. وخذ من كلام الجروح و المآسي من هني إليـــــــن ما تبي ) اسامح مو لاني انسان طيب ..
اسامح لاني ادري محى اكسب ولا شئ من ورى الهم والغم والضيقه ! ادري ما راح اكسب ولا شئ من ورى اني اروح وأقَــلِب اوراقي واسرح بلأغاني ! وادور بين كلمات الشعر ما يناسب جرحي !
خلآص ,!
انا من النوع اللي ( اغير الموضوع بسرعه )
واحاول قد ما اقدر اني اعيش يومي ، كِثِرْ مآ أهُو حلو كِثِرْ مافيه انجاز ، كِثِرْ مافيه طموح ، انا من النوع اللي قلبي على إلساني وفضحني هذا الموضوع , امانه كم شخصية تكلمت عنها الحين كم من إنسان إلمِسَه هذا الكلام لا تبتسم وإنت تدري اني انا اقصدك انت ولا تحاول تتلفت يمين ويسار وكانه الامر ما يخصك ,!
بالنهايه يقول :
وقفت اليوم اطالع نفسي واعترف قدام البشر انا من النوع اللي يحاول يشّرَح ولا يشرح نفسه ! انا من النوع الي يلمس الجرح ولا يداوى جرحه ,,!