رد: ┈┉┅━❀ أحاسيس أنثى حآلمة تبحث عن مرساها ❀━┅┉┈
وكبرت سنة
سنة ال 22 من عمري
الحمدلله خلصتي ورحتي
الشي الوحيد الي حلو بيج
أنو بعد ما ترجعين وأتمنى ما تنعاد الشغلات السيئة
المرة الي عشتها بيج
جنتِ من أقسى وأصعب السنوات الي عشتها ،،
خسرت بيج هواية شغلات حلوة
وهي جانت أعز واغلى شي عندي
تعلمت منج هواية شغلات
ماكو شي يبقة على حاله ،،
و كل شيء مؤقت حتى اللحظات الحلوة ..
المشااعر .. الاصدقاء .. الحزن .. الفرح .
وتعلمت أنو الراح ما يرجع ،
والي أنكسر ما يتصلح مهما حاولت !!
والثقة لازم ما انطيها فقط لنفسي ،،
وتعلمت ما أهتم لكلام اي شخص
هو مجرد كلام عابر مراح يأثر عليه أبد
وما اصدك اي شي ينكال ،،
والشي الي يعكر مزاجي اتجاهله مهما كان ،
تعلمت البدايات دائماً خدعة
والنهايات مو كلها سعيدة ،
وأبني حواجز واخلي حدود لكل علاقة ،
اقارب .. اصدقاء .. الخ .
وما اخلي نفسي رهينة لأحد
وتعلمت شون احافظ على طيبة كلبي
والشغلات الحلوة الي بيه ، بوسط هذه الناس ونواياهم ،،
وبطلت أنتظر .. أتامل ..أنطي الثقة لناس مو كدها
أحزن للشغلات الي متستاهل الحزن ولو لثانية ،،
تعلمت أبتسم لكل شي تافه أبتسامة باردة
وكل صدمة مرت عليه وعتني وكبرتني فعلاً بدون ما أحس ،
سنة 22 ،
تأذيت وتألمت بيج وهديتي حيلي
أتمنى كل الي صار يخلص وما ينعاد أبد
وترجعلي الضحكة من جديد أتمنى ،،
ال 23
أتمنى تكوني سنة حلوة وبداية لكل شي حلو
وأكدر أحقق حلمي الي أنتظرته سنين ،
صح بدايتها واول يوم دموع بس الجاي أفضل
بأذن الله وحتى اذا اكو دموع ف تكون دموع فرح وسعادة
،،
،،