صديقتي ايام الاعداديه حبت ابو الخط مالتي
و حولت ويايه بالخط اغاني و سوالف و ضحك طول الطريق
واني طبعا مندمجه وياهم حمص بكل جدر ينبص
علاقتهم استمرت سنه وصارت خلافات تعاوفو
هو جان عنده علاقه بوحده من مدرستنا كبل مايعرف صديقتي
البنيه اكبر من عدنا بمرحله هيه 6 اعدادي واحنه خامس
جانو مرتبطين من وهيه بال3 متوسط
وراها تخاربو و ارتبط صديقتي
ذيج ماكطعت الامل و رجعتله وره معاف صديقتي
مشت السنين خلصنا من الاعداديه وحبيبته بعدها سادس
دخلنا جامعه و ضلينا نتواصل ويه جماعة الاعداديه بكروب الواتساب
سمعت منهم عن حبيبه ابو الخط ضلت بالسادس ماعبرت كليه
و حاجيتلهم انو هيه متقصده ترسب نفسها كل سنه
حته تبقى وياه !!
تكلهم اليوم الماشوفه بي اموت و من ارتبط بغيري ( على صديقتي ) كمت حته جكاير اشرب واخابره يوميه ابجي وافشر عليه
و من رجعتله بقت ترسب ترسب لما ترقن قيدها
في حين صديقتي خلصت كليه صيدله و اتعينت و انخطبت لطبيب وياها بالمستشفى و ابو الخط سيرته بالنسبه الها صارت نكته تضحك عليها
اكو ناس تحب تنجح و ناس تصمم تفشل نفسها
الحب مو سبب ادمر روحي علموده
مره قريت جمله بكتاب تكول
الحب الحقيقي يفرح
و يرفع الانسان لسابع سما مايشوف رجله بالكاع
والي مايحس هالشعور هذا مو حب
هيه تخيلت انو عايشه قصه حب لازم تضحي علمودها
وهو باع انانيه … وضاع مستقبلها
ووحده ثانيه جانت بنفس مكانها كملت حياتها و نجحت
و رفعت نفسها
ومن الله راد اجاها الشخص الي يكملها وتكمله
امنيتي المراهقات يصحن ع نفسهن
الدراسه والشهاده كبل كلشي
لاحكات تعيشن كلشي حلو
والله لاحكات