❣وألحين روحي في هَواك توَلعَت❣

[Blacksмɪτн]

وانتظرتك مثل ورده التنتظر جية الربيع..
چم خريف يمرني واصبر !!
لا اموت ولا نداك يمر عليه !!
ولا نسيمك شايل بشاره ويفوت..
واني خايف..
لا يغطيني بغيابك عنكبوت !!

 

[Blacksмɪτн]

گتلك من ازعل عليك يجوز ارضة
بضحكة منك ، ببوسة منك ، بكلشي منك ،
بس گلتلك ..!
لا تزعلني اعلة روحي
وزعلتني
وانة توني مراضي روحي
ويا زعل روحي
اعلة روحي شگد تنيت
وهاي چم نجمة اعلة مودك
طيحتها ومااجيت .

 

[Blacksмɪτн]

اللهي مسني الضر وانت ارحم الراحمين

 

[Blacksмɪτн]

‏يبن روحي
الك مشتاگ
ضمني بصدرك گلاده
ما املن ابد هيهات
انا الشايل طمع ساده
احسبها بضريح نزور
كلمن ياخذ مراده

 

[Blacksмɪτн]

يلوليلي جمالك .. واشتهيت اكماط

 

[Blacksмɪτн]

ندى رموشك سنابل طيف
خاوتني ضحك بيبان
تبدى اعلى الشمس گيظين
راويت العطش للبير
ما يكبر بخلگي الماي

يا گمرة المامش لم عتبنا چفوف
كل خطوة نهر تثلم بروحي انسان
لا نبچي الدمع مو راي
گاع الما يغصها الغيم
يعبرها الصبر مجبور
ويصلي اعلى چفها افياي

ليلية الجفا يشدني ضوه
اعلى الروج
ويسافر بعمري شراع
وارد مهموم لثيابي ، لهلي
لكل ضحكة منك ما مشت وياي..


ل عزيز عسكر

 

[Blacksмɪτн]

چا ليش اختنك بأوقات الغروب
وادور حجه حتى ابچيلي دمعات
وليش بصدري أحس صياح مخنوگ
وليش لوحدي ومتروس زينات
شكثر گايلها بس جيب اليصدگون
يخيعونه الخلص من دنيته ومات
الحمد لله اذا ع العافيه بخير
بس بنفسي أبات بلاية حسبات
يجي الليل بسوالف مادري منين
اشكال يجيبني ويترسني حسبات
مرة اضحك واگولن فرصه وتهون
واتاني الثانيه تعددلي الخسارات
واتاني الثالثة وتمر السنين وارد اندم واكولن لا حرامات
المهم ياهو اليعرف شبيه وارتاح
انه مو زين ساعه وزين ساعات ….

 

[Blacksмɪτн]

آني هم متعوب مثلك
هاك متني و خلي أدينك
هاك خل نفتر كل درابين
المدينه
حتى أگلك ذني كلهن
فدوة يرحن يم حنينك

 

[Blacksмɪτн]

وراك انسد جفن ميت
بعد ماينفتح.

 

[Blacksмɪτн]

هـــذا عنده احظوظ مو حظ الخذاك
مو مثل حظي العمى ورجلينه عوج

مرلي طگ روحي بهواك ارد استراح..
الجرف يضحك مستحة من يطگہ روج

هســه مال اكتب ملح وارثي الجروح
وهسـه مال اشتاگلك بس خاف اضوج