رد: Friends Blog
هاي مره عجوز تلكت ابنيه شابه بالطريق جميله بشكل بس البنيه لابسه لبس كلش مكشوف وتمشي بس شكلها ولبسها يجذب النظر حيل فالعجوز كالت للبنيه ..
ريت العمر ايعود ماسوي مثلج
هوه الستر مريود مو شكل جسمج
فكالت لبنيه
حجيه هاي شبيج عاجبني لبسي
تركض وراي الناس جي حلو امشي
الحجيه دكول
تركض وراج الناس بس تضحك اعليج
لبسج يبت الناس ما راهم شبيج
فكالت البنية
حجيه وكتج راح عوفيلي وكتي
وكت الصور والفيس هسه اني عندي
فكالت الحجيه.
محروسه الله وياج ونطيج حقج
مو صوج هذا وذاك اعتب على اهلج
ابوكتي جاني فلان ماشفت شكله
زفه وثلث طلقات واوصاف بدله
فكالت البنيه
حجيه هاي العاده كلش قديمه
اني وحبيب الروح يامه التقينه
كالت الحجيه
سترك يربي شلون تكلبها بينه
هذه الفساد الصار جا عم علينه
