أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

مو بس آني أذوب وأخدر إعليك
إمن احلم بيك حته فراشي يخدر
منو گال الگمر يفتر على الگاع
الگمر شافك وداخ وگام يفتر

 

[mohammed.shams]

حلو وتتگلب ويختلف وضعك
وگذلتك طايرة وتلعب على الريح
الوحيد انته حلو ومحد يتبعك
لأن من تمر كلها تدوخ وتطيح

 

[mohammed.shams]

اسهامك عذبني كطعني
وارافس واضحكت چي ضحك سنك
اشردت منك أحس مرتاح لني
طلعت بيك آنه شارد موش منك

 

[mohammed.shams]

هوه غيرك من اشمنه أموت
لكن آنه ارجع عدل لو شم هواك
تدري آنه اشگد احبنك بحيث
من تهد انته علي افزع وراك
==============

 

[mohammed.shams]

عليك الگلب ثابت قفل مقفول
وأموت وما أدور عن بديلك
مو وكت الصلاة بس گمت اصلي
أصلي لخاطرك حته أندعيلك
==============

 

[mohammed.shams]

وي محمد انته تتغدة واموت
والله حاير بيك شحچيلك شگول
من يشوف اطفال دمها اعله الرصيف
إنته گلي اشلون يتغده الرسول

 

[mohammed.shams]

يوم الاسود يوم گلبي ارتبط بيك
وساعة السودة اعله دربك من فتت
متت منك يالچنت ميت عليك
يعني مرتين آنه من أجلك متت

 

[mohammed.shams]

ما أستثني منك كلشي بيك اهواه
وماأستثني مني بكلشي احبنك
إذا وجهي اعله كيف اختاره آنه ايصير
ثق أختار وجهك حته اشبهنك

 

[mohammed.shams]

من درت عينك شفت والله عيون
ومن درت الوجه شفت الشمس طلعت
ومن درت الشعر رأسا اجانه الليل
لأن خافت شمسنه وبالعجل شلعت
==============

 

[mohammed.shams]

حرت مابين شفتك والجمال البيك
متگلي اشايل من خرة بحظك
لو شافوا حلو تعضعض شفتها الناس
ومن اتشوفه إنته الشفة لتعضك