أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

شيجيبك يباچر والتقي اوياك
واشيلنك گلب مابين الاضلوع
واذا باچر إجه وما جابك اوياه
أكض باچر واشيلنه من الاسبوع

 

[mohammed.shams]

أحبك ماأحبك آنه ميت بيك
وگلبي بغير حبك يعلن افلاسه
أمشيلك واجيك وماأخاف الليل
ولو دربك بعيد وبيه علاسه

 

[mohammed.shams]

ثق لو بالعراق ايصير طوفان
ونبي الله نوح ايرد علينه
يباوع بالبشر مايلگه إنسان
ويصعد وحده وتمشي السفينة
==============

 

[mohammed.shams]

أعدك دوم أول من اعد اعزاز
وانته بيا مكان تحطني من اتعد
يالأنشد عليك شما گصيت اوياي
چا هلبت علية وبالچذب تنشد
==============

 

[mohammed.shams]

تدري السبب ليش اعليك ماأنشد
لأن سلوة دليلي ورسمك بعيني
وبس يغمض جفنها إلك أشتاگ
وانته بكل صلافة تگلي ناسيني
==============

 

[mohammed.shams]

هم تدري صرت مني اقرب امن الروح
لأن إنته النفس اليصعد وينزل
وما أعرف مكانك من اعد اعزاز
بس كلش قليل بحقك الأول
==============

 

[mohammed.shams]

آنه أدري شگد تحبني
بكثر ماضاگ الوطن طعم الأمان
وانته تدري شگد احبك؟
بكثر راتب كل عضو بالبرلمان

 

[mohammed.shams]

ماأسولف بيك واحسبلك حساب
آنه أعرف وزنك ومقياسك
إنته أصلا تافه وراسك زغير
وبس اسولف بيك اكبر راسك

 

[mohammed.shams]

أشد بجروح حبك واشتهي انساك
واگول ارتاح لو مرة نسيتك
نسيتك عود لحظة وكيفت بيك
واگف بالدمع عالخد لگيتك
==============

 

[mohammed.shams]

شفتك ماگمتلي بساعة المريت
بية الصوچ وانته من الذنب خالي
خدرانات أدري من التعب رجليك
هلگد ماتروح وترجع ابالي
==============