أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

چوچن المامش راي لاصرفه بيهـن
ضيعن راس الخيط ويغث حچيهن

 

[mohammed.shams]

لتــگول مــالي قــصــد
تــدري انتــه كــلش زيــن
ايــد التــصــوب الســهــم
تعــرف توجــهــه لويــن

 

[mohammed.shams]

دبّرلي واهس مال ليل المشتاگ
رايدلي واحد كون ليله بخلگه

العصفور گلبه أبيض مثل شمس العيد
يذب ماي وجهه إگبال طيحة ورگه

بخطواتي من جيتك حذر خطوة ميل
ولگيت كلشي البيك بابه مسرگه

وجهك مثل مگفاك هم زور بزور
إبن العرب معروف ينگط ملگه

لابس فشلتي وياك فشلة خيّال
بشدة حرب مبيوگ سيف ودرگه

 

[mohammed.shams]

من گتلك ولك مشتاگ
ما چنت أقصد ملاگه
أعرف ماإلك جيه

مرات إلدفو إلـ بالصوت
يترس روحي حنيه

 

[mohammed.shams]

ماعشت عشريني عدل
كلساع اطيحن وانعدل
خلص الحيل البيه

 

[mohammed.shams]

غايب والمسافه بطول خلگ الموت
لا تگصر بنوم ولا حلم يلگاك

 

[mohammed.shams]

هـآي عيـون ؟!
لو دجلـة وعليهـآ مچلچـل الزيتـون

 

[mohammed.shams]

والماشي عني بلا سبب
فد نوب ما هميّتله و من
گال متحن لي شعجب ؟
حِن وآنه احن غنيتله

 

[mohammed.shams]

شمسين اعيونج والله
والخد شمام
اطيب من تمر البصره
وتفاح الشام

 

[mohammed.shams]

باوعت بيّها ودنگت خجلان مُدري شبيه
‏الرجال أذا حب يُستحي يباوع شويه شويه..