أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

چنت تلمع على عيوني والمك للعطش گطره
وتجيني گدار هلهوله واضمك صوغه للثوره !

 

[mohammed.shams]

ياگلبي دگلك ثايه
الوادم تراها تشيطنت يلنيتك مصلاية
مثّل وياهم من تحب واحسب لكل حجاية
گلهم نمت من العصر
مشغول والگالك عذر
الملهوفلك گله انتظر
بس تضعف يعوفك ترى اليركض وراك هواية ..

رائد ابو فتيان

 

[mohammed.shams]

ماتت بعيني الاموت بعينها
وجرحي بعده مچلب بسچينها
گلبي من حبها بلاية دين
والله مو نص كملت كل دينها

 

[mohammed.shams]

مرة بواجـي العمر مره
ابتــسامـة وغــنة
بـس انـة دارن سـوه
وجـهك وراس الـسنة

 

[mohammed.shams]

ما عدنه گلب والمغرب يعيل
ومن جروحنه نغني المواويل

نكابر ع الهموم ونمشي لچمات
ويمر فرگاك والما مايل يميل ..!!

 

[mohammed.shams]

ومرات الصدف
تقراله أغنية بحجة أسمعك

 

[mohammed.shams]

عفت كلشي
وبديت اتذكر اشكلتي ؟
اتذكر حجيتي هواي
غيرك ما يحط حنتي
ولحيتك كافي خلها اطول
اريد ازين ابزفتي
واجت زفتج شفت وياج ليركصون لا صحباني لا اهلي
عفت كلشي
وبديت اتذكر اشكلتي

علي البديري

 

[mohammed.shams]

هيه تهون بس شلون لو هاانت

اظن ما تلكهه وادم مثل ماجانت

 

[mohammed.shams]

يل خذت خيط النفس خاتم بديك
.............ليش وحـــدي بصفنتي آمخلّيني ؟
والله آشوّر بيك من آدعي عليك
.............بس عزيز وكَلبي مـــــا ينطيني

 

[mohammed.shams]

اغفى وأسد اعيوني عن كل حلم
كل طيف مابيه صورتك ينطرد

كون ابحطب نمرود واتذكرك
أكعد وفزن ميت امن البرد