أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[رمااد اانسان]

حاجيته وادري يخون بس اني مجبور
وايست مثل الجاي يحجي ويالكبور

 

[رمااد اانسان]

عمي الكطع مو زين يالكاطع وياي
خلافك شجر ظليت مامر عليه ماي

 

[أكسلنس]

يم اهل ذاك الصوب كلبي نسيته
ياطارش المريت هلبت لكيته
م

 

[رمااد اانسان]

قطار العمر مرنه ما لحظنه
ويعينه الله على حظنه مال احظنه
الوادم حظها كاعد ماله حظنه
واكف وكفت المكتول ابيه

 

[حياتي البصرة]

هواي ڪالو مايجيكَ
وكلبيِ جاوبهم يجّينه
ناشدت كل روجهَ عنك
كل جرف كحلت عُينه
وأسَالت كل الشواطي
بلكت تجيبك سفينة

 

[حياتي البصرة]

دادة ع الباب تتعلگ ضحكتك ' حرز '

 

[حياتي البصرة]

مُو مالَت مفارَگ مالَت انِرد
طَالت وأحَنة مشتاگِين نگعِد
انَة انشِد عَليكم وِين مَا چَان
شعجَب ليهَسة مَحد بيِة ينشِد

 

[رمااد اانسان]

مسرد لايكضك خياط لاحوك
لا ينفع رجيج وياك لاحوك
وره ضلوعي يگلبي شلون لاحوك
بسهم عيونهم وجرت بيه

 

[رمااد اانسان]

وحك وجهك وتركيبه دواره
الي بوكت المرض هوه دوئراه
كضيت عليك كل عمري دواره
ولكيتك بس لكيتك موش اليه

 

[سارهـ الطائي]

تمنيتك نــــهر واغفه بشليلك ماي
واغسل گصب روحي بعافية طينك

عريان السيد