أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[عبد الرحمن]

كالو تريد اتروح واتعذب الروح
امودع الله اوياك بس ابقى لتروح


كالو تريد اتروح واتودع بساع
جا غير اشيل الكاع والزكه بالكاع


اجمل صباح اليوم وبعمري بس هاي
شلت الغطه وفزيت لن عيني بهواي.


شوف شكثر مكروه التجفي دنياهه
حته الصديق يكول عيب امشي وياهه.

 

[عبد الرحمن]

ريت الالم مو بيك ياريته بيه
دونك لجر الموت بثنين اديه.


ترجف عليك اعضاي كل ساعه وتلوج
ودموعي عالخدين روج بأثر روج


من عمت عينه الكال بفراكك ارتاح
ابجي ابسواد الليل حتى الرمش طاح


كلبي اشتكالك ليش ترفض شكيته
متيه وشافك صاح احا لكيته

 

[عبد الرحمن]

روحك لون تشتاك من كثر الفراك
حظن بحظن وياه وتكلي مشتاك


تبجي بغزاره.. نكول هنيال العيون
وشلت دمع العين وصبحت مجنون


يا يــوم افــز والگـاك..متــوسد ايــدي
ولـو صــدك صــارت هــاي.. صدكنــي عيــدي


سهــران انه ومهــموم.. والغــالي نــايم
خـــل بيــه كــلشي يصــير.. بس كــونه ســالم

 

[عبد الرحمن]

يفز كلبي بتوالي الليـــــــل ويروح
يمك يلي مليته همــــــــوم ويروح < جروح >
عشرتي وياك عشرة جسد وي روح
اذا تتركني اموت اشلون بيــــــــه
----------------------------
هجرت القلم من بعدك والكتاب
ودليلي من العشك بطل ولك تاب
وحك العرش والكعبة والكتاب
تضل انتة اعز محبوب الية
------------------------

 

[عبد الرحمن]

عليك اشكد رجف كلبي وداري
ولجل عينك بعت ملكي وداري
أظنك تعلم بضيمي وداري
شكد احبك وانت تضحك عليه
----------------------------
ليش من اغمض العين رسمك يجيني
مدري انته رمش العين مدري انته عيني
----------------------------

 

[رمااد اانسان]

والحسن لوينباع كلبي انه ابيعه
خايف يرد لشوك ورجع وطيعه

 

[ألـــــ غصة ـــــــم]

شايل خلگ بلبل ع الطرب مفطوم
بسجن، بستان، حطه يغني ما ينعه

 

[رمااد اانسان]

طبخ تطبخ بكَلبي النار جزيت
ولايوم عل خط العهد جزيت
اخبرك نفسي منك حيل جزت
من هد مايم شماته اطيت بيه

 

[أكسلنس]

محتار خلاني الوكت مابين الأمرين
ما أدري أتبعك ياكلب لو أتبع العين
كل ساعه إلك راي
عندك حجي إهواي
واليحب واحد بالعمر// مايعشك إثنين
منقول

 

[أكسلنس]

صفينه إنشوف وجهك بس بالأحلام
كلف يصعب علي تفسير حلمك