أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[رمااد اانسان]

مو كلت ماخليك اتعض اصبعك
كطعت اديه عليك وانت علطبعك

 

[madness man]

حدر التراچـي برد ... والكَنطره بعيده

وأمشي وأكَول وصلت .. والكَنطره بعيده

ونكَضني مشي الدرب .. تعبني مشي الدرب

والشوكَـ هز الكَـلب ... والكَنطره بعيده

حلمانه برد الصبح ... رجَّف خلاخيلي

يا دفو جمّل دفو .. ويـا كَمر ضوّيــلي

ويا ذهب خيط الشمس طوكَين سويلي

لايكَلي طوكَـ الذهب والدغش ما ريده

وأمشي وأكَول وصلت والكَنطره بعيده

لا .. لا يبرد الصبح مــا تحمل چـفوفي

زغيره وچـواني العشكَـ وتوسّد إزلوفي

هيمه وجحيل الوكت .. ما لمني نفنوفي

لوذي إعله بعد البعد يا روحي حدر إيده

وأمشي وأكَول وصلت والكَنطره بعيده

كلمات ذياب كزار ( ابو سرحان )

 

[رمااد اانسان]

ياصاحبي سد باب العشك بس ربع خلينه
وخلي نضحك صدك كونك تلاكينه
سد باب العشك صار العشك مكروه
لئن وفينه وما شفنه اليوافينه

 

[أكسلنس]

مشينه إمزاعلينك غير تلحكَنه

 

[أكسلنس]

يناهي الشوكـَ ذمه وذات من ذات
فرق مابين حالي وحالك إبعيد
سنه وصدك يضوكـَ الروح جويات
جرح ينزف جرح متغصب إيهيد
إلك جانت يحلو الطول جيّات
عجب تبخل علينه إبجيّت العيد
عريان السيد خلف السيد علوان الياسري

 

[أكسلنس]

ترافه وليل دكـَ ريحان يسمر لاتواخذنه
يلن كل جلمه من عندك شتل ريحان للجنه
تحفه ودوس فوك الروح واحسبها الك منه
المرحوم مظفر النواب

 

[دموع على خدي غفا]

جا وكلبي
هسه المن ؟
جا و العيون البيك
حلمن ..؟


.

 

[دموع على خدي غفا]

بين الناس
غيرك ماكو موضوع
وهلبت بالجذب
شخصك ذكرنه ..!



.

 

[جنون العاطفه]

ما تلگـه حنين وحبه تعويـد
مثلي وحتى احلامي حنينه
شفتك بالحلم بردان بالأيـد
جريت الغطى لراسي ودفينه

علي جواد الركابي

 

[جنون العاطفه]

أعتقد مليت مني و صِرت عندك مو ضروري آني آسف لأن يمك بالغت حيل بشعوري

لـ مهند العزاوي