أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[الرااااكد]

اجمل صباح اليوم وبعمري بس هاي
شلت الغطه وفزيت لن عيني بهواي.
شوف شكثر مكروه التجفي دنياهه
حته الصديق يكول عيب امشي وياهه.

 

[إنـسـان]

وزّع أدوار الزمن
اختاريت دور انكتل
مادبر الكاتل

- سمير صبيح

 

[إنـسـان]

لا من لونها
ولا نفس خيط الصوف
اخذنا من العباة
نرگع الدشداشة
يقيمون الضحل ،
والينشرب ذموه
و يساوون الرجف
والنام بفراشه
خذوها الخيل
تصهل گبل للمركاض
و سكتنا وما طلبنا تعاب الجباشة

- سمير صبيح

 

[إنـسـان]

عمت عين الزمن
علّاك عن الگاع
شما يعلى النخل
هم بالأصل فصمة

- سمير صبيح

 

[إنـسـان]

گلتلهم ابقى انتظر
مو طعمه بس يختلف
المنتظره يستاهل

- سمير صبيح

 

[إنـسـان]

على سعف النخل من يصعد الدوباس
هو يگوم يلمع، لكن يعلها
عگدة وراخية مدخل سنونك ليش
إذا هي الأصابع تگدر تحلها

- سمير صبيح

 

[إنـسـان]

أنت خليك بمكاني
نهر وتعوفه الجروف
أنت الحنّين قسيت
شلون ترحمني الظروف

- سمير صبيح

 

[إنـسـان]

لو احطك وية الكحل
يمك يبين گطن
عيون عدها الخلگ
شتباوع، تباوع

- سمير صبيح

 

[إنـسـان]

اختلفت والأسد خلوه مرياع
الغنم تاهت ولا يحتاج تأويل
وهبل واللاة ردت هاي الأيام
وردت ناس تركع للتماثيل
وخلينا العطش ناطور عالماي
بينا العيب مو عمية الغرابيل
عشر اظهور هذا الهم ورثناه
ونورثه لغيرنا التوهم گصاميل
جمر جوة الرماد وساكتة النار
أقل نفخة الفراش يصير أبابيل
واجتك للحلگ لتعوفها تضيع
ولا تنطيها فرصة العالت تعيل

- سمير صبيح

 

[إنـسـان]

عدنا جروح متگبعة بعبايات
ما عدنا اليسموهن صبايا

- سمير صبيح