أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[رمااد اانسان]

عمامي الما تحل العكَد وتفل
لمر بدارهم كل يوم وتفل
الطلايب لابد الها يوم وتفل
وذكرنك يبو ذات الرديه

 

[الحالمة]

خضر شيبنه وخربت معانينه

 

[جنـوبـيـة♡]

احب روحي الجديده الماتحب احد
الگالت كافي باب الطيبه ذاك انسد
البدت تفهم الدنيا شلون بيها الوان
عكس ذيچه القديمه اللبستني اسود.

 

[جنـوبـيـة♡]

انتَ لو شِفت السَواد الجوه عينيّ
ما مشيَّت
لو دريت شگالت الوادِم عليّ مِن فاركتني چا بچيَّت
شگد كِلتلك..
انه لو ما انتَ اضيّع ،
وچي كِلتلك هَلعفتني ،
شگد بُقيت مچلِب بمُكفاك؟
لحَدما ضل قميصك بيّن اِديه وماردتني
انه ذَنبي تعُودت وانتَ ذنبَك تيَّهتني .

 

[جنـوبـيـة♡]

رُوحي عَطشانة عَليّك
ضَيعت سنيّن عُمري
وما نسيتَك
دَوريّت الدنيا كِلها
وما لگيتَك
يا درابين العِشك
ما مرچَن أسمه ؟
هَلبت توديني ليّك
يا مَدينة تلِمني بيّك ؟

 

[جنـوبـيـة♡]

اجيك مِن المَرض مَهزوم
و اشوف العافيّة بلونَك
عليّه مبين الخذلان
بَس ما خيّب ظنونَك
اني المَا عشِت ويّاك
و اني الميّت بدونَك

 

[فبرآيـﮯر 🎀]

آنة ذاك الگاعد
متانيله صدفه تلمه بيك
اني ذاك الشاف
كومه وجوه حلوة
وگلبه مارَف بس عليك

 

[جنـوبـيـة♡]

وكون مافاتِح رسالة
ولا قبَلت بيوم ظَرفك
كون ارد ذاك الغَريب المايعرفَك.

 

[جنـوبـيـة♡]

ماكو چارة
ادري الاسمَر
دوم مَغرور بسمَاره
و ماكو چارة

 

[جنـوبـيـة♡]

بالليَّل جَرحي رَطب
بَس الصُبح ناشِف
وأضحك بكُل قوتِي ماچني ذاكَ الچنِت
بالليَّل مِتراجف
والخُوف ماكلنِي أكل
بَس ما مبيّن أبَد
وتعرُفني كُلها القَوي
بَس بالصدُك خَايف .