أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[رمااد اانسان]

ضل يرفس الدلال ساعات الوداع
طاح او وكع بالكاع ماكضته أضلاع

 

[الرااااكد]

كتاب انته انكتب كل شي حلو بيك
وما مليت منك من قريتك

لو أدري المكاتب منك تبيع
بعت الروح لجلك واشتريتك

 

[الرااااكد]

راح اصبر بدونك وارهم بلياك
وأذبح رمش عيني الجان يبجيلك

واتحمل عذابك والبعد والشوك
وما حط صورتك كدامي واشكيلك

ما اكلك نسيتك بس جرح بالروح
يكسر واهسي ومايقبل امشيلك

عيني الشالتك كلتلها اشيلج راح
كالت شيلني وما قبلت تشيلك

 

[رمااد اانسان]

شحجيلك اعله العوز دنيا وگضت دين
دشداشه عد خياط صار الهه سنتين

 

[رمااد اانسان]

ضيجه اوردنها كَصير دشداشة الذل
البسها كلي اشلون واني أطول الكل!؟

 

[رمااد اانسان]

المجاراة بقلمي

كمت المن من العوز افضالة الطير
عزة نفس وعناد ماارتجي الغير

 

[ابن الرافدين ~]

المجاراة بقلمي

كمت المن من العوز افضالة الطير
عزة نفس وعناد ماارتجي الغير

الرد بقلمي
..


ما الهم من العوز وتعرفني ناسي
اهون عليه الموت ولا اطخ راسي

...

 

[ابن الرافدين ~]

الرد بقلمي
..

ما لمن من العوز ولا كَلت جايع
لا بعت رفعة راس ولا شرف بايع

 

[جوليت]

وَهُمُ الَّذِينَ إِذَا خَلَوا


عَن أَعيُنِي


لَتَصَاغَرَت عَن مَلئِهِـنَّ


قَبَائِلُ ..


♡𓄲

 

[الرااااكد]

افكر بيك وانته تكلي مغرور....
هوه المغرور غير يفكر بروحه....