أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[mohammed.shams]

من ذكرتك. سكت كلشي
وعاند السكته وبقى يصب الدمع
من ذكرتك مدري شنهي الصار بيه
رفس كلبي وراد يشلعلي الضلع
أو صحت شو محد سمعني
وللعلم لمن ذكرتك جان ليل
وصوت دخان الجكاير ينسمع

جليل قاسم الكعبي

 

[mohammed.shams]

ياهو مثلي....؟

وجه فارغ من حنينه.

وتارس الدخان صدره.

....
المرحوم علي رشم

 

[mohammed.shams]

شوگ من ؟
هذا اعله جيدك
ليل من ؟
هذا الـ يصليلك گمر
يا وحيد ،،
أشرب ضماك ،،
الگاع تتلگاك ميت ما أتغنيلك نهر
يا أبنادم تكبر المن ،،؟
موش عمرك ،،
هذا شباچ السهر
وهذا حزنك رب غميچ
تنطر ألمن ،،؟
فايضه الدنيا حبايب ،،
وانت عمر الطيف عمرك ،،
لا ركدت بـ عين نثيه أ؛ولا تعللت بـ رفيچ

 

[mohammed.shams]

كونك امضيّع بالزعل مفتاحي
وصيت لك نجمة صبح
تفتح بوجهك بابي
غبّش يأغلى احبابي
حتى ابجي بدموع الفرح
وياريت تبجي وبالدمع ...
تغسلني من ترابي

عبد الكريم القصاب

 

[mohammed.shams]

شو ماكو شو ما جيت ها لو قرولك

لو شفت غيري يلوك طوله ويه طولك

 

[mohammed.shams]

لخآطِر الله شگد ترف ،
مَنبع جمآلك مآ يجف ،
و عيوني بيك تسودنت ، .
لآ ترضه ترمش لآ تِرف ،

 

[mohammed.shams]

من شفت الخضر ماطاح
رديت على الميبس

 

[mohammed.shams]

شميت ريحتكم امس .. ويه الهوه...
حنيه هم بيكم..بعد لو كلشي من رحتوا انطوه..

مغرب الدنيا ..وفرفحت.. صافن واجيتوا ابالي..
أفيش .. ياذاك العشك..
بيكم جنت هنيالي.

 

[mohammed.shams]

خلصت حياتك بس چذب !

اعوج مثل ذيل ال‌...

 

[mohammed.shams]

شمعنى اليوجعنك واهسك بيهن

وليش المايرد الروح
كلهن يمه تحچيهن