أنشر مايعجبك من اشعار ✾ دارميات ✾ ومضات ✾ ابوذيات ✾ قفشات ✾ زهيريات ✾

[رمااد اانسان]

عگل صح چان الی بالراس بسهاي
سهیت او کل عذابی الصار بسهاي
صدگ بالحی بنات اهواي بسهاي
خذت روحي او خذاهه العذل بیه

 

[ناآاآاآيٰ ♥♬✨]

ضميني رسالة شوگ
مابين الغراض الحابهن گلبچ
ولميني بـ اصابيعچ
مثل لمة خُصل شعرچ
وداريني ترة استاهل
صار هواي مامرتاح
من چنت بعمُر جاهل..!

 

[جنـوبـيـة♡]

أني " فُرصة " وُ دَا أحبك
إستغلني !
مِن أديرن ظهَري عِندك
لو هَوُى الله يصَير يمك مَا يردَني .

 

[جنـوبـيـة♡]

وكون مافاتح رسالة
ولا قِبلت بيوّم ظرفك
كون ارد ذاك الغريب المايعرفَك .

جاسم حسون

 

[جنـوبـيـة♡]

باگوا مُهرتي.. وماصهلت ! أنغثيت
أظاهر رضت يركبها المخربط
وي طرت الفجر مو بس جبتها وجيت
جبت الخيل والخيال والمربط ..

- سَيف الحلفي.

 

[جنـوبـيـة♡]

- گالتلي يُمه انتچي
وهذا جرح ضُمه
وابچي ولا تستحي هي
حلات ولد من يبچي يم أُمه

- أحمد عاشور.

 

[رمااد اانسان]

ذهب وي غيري بس وياي فضيت
وحسافه شگد دموع اعليك فضيت
انتهيت وكل حساب وياك فضيت
ومنك للمتن غسلت أديه

 

[فواز]

من راح لا تكثر عليه الحسايف
ما يروح إنسان بالروح شاريك

 

[جنـوبـيـة♡]

أول مرهَ تلچمني وأضل گآعد ، أول
مرهَ أحس بروحي أحبك من طرف وآحــد .

 

[جنـوبـيـة♡]

وچنت اگلك دوم اگلك مني بالك تعتذر
كلشي طايح ..
خاطري الكلش عزيز
بضحكه منك ينجبر ،