ابوذية مني وابوذية منك

[Hajee.Salam]

رد: ابوذية مني وابوذية منك

اسمك عايش بفكري وبالي
وحبك صار الي شده وبالي
طريح فراش خلاني وبالي
يلعلعني ويراويني المنيه

 

[عراقي أنا]

رد: ابوذية مني وابوذية منك

ابد ما اجوز عن حبك .. وبدلاك
وابد ماينگلب گلبي .. وبدلاك
بدالي بس الي گلبك .. وبدلاك
تبدل گلبك وتگلب عليّه

بقلمي
​

 

[اميرة]

رد: ابوذية مني وابوذية منك

يصاحب لو تشوف اشلون كتماي
على عيوني ويسح الدمع كتماي
اشما اقل للروح سر الهوه كتماي
تحن وتهيج الساكن عليه
شكرا للموضوع البديع
تقبلو تحياتي

 

[ملكة الرسم]

رد: ابوذية مني وابوذية منك

اذا خانك زمانك انته خينه
وصحنه بصوت بسمك وانتخينه
لأن أحنه أخوتك وأنته أخينه
وأعز منك أبد ماكو عليه

 

[عراقي أنا]

رد: ابوذية مني وابوذية منك

بحر حبك عذب مايه .. عسل دوم
واغوصن بي وما اطلع .. عسل دوم
احب ومغرم وارجى .. عسل دوم
شفيع يصير يجمعنه سويّه


بقلمي

​

 

[الشاعر الرياضي]

رد: ابوذية مني وابوذية منك

عزلناك لنفسنا احنا وحشناك
يوردت جورى من غصنك وحشناك
يقاسى شبيك مامره وحشناك
جنت كل مره شو تشتاك اليه

 

[حكاية روح]

رد: ابوذية مني وابوذية منك

تهمية الشامت بحبك تهمني
وعلى الهجران رجلية تهمني
زعلتك بعد ما عادت تهمني
هواءا في شبك بعدك علية

 

[الامبراطور]

رد: ابوذية مني وابوذية منك

جميع المشاركات كانت قمة بالابداع
سلمت اياديكم

يتمساح الدمع كم دمعة كتالي
وعجب انته التصير اردود كتالي
تدري شلون صار الوضع كتالي
غدر وفراك صار وكل اذيه

بقلمـــــــــــي ...​

 

[الشاعر الرياضي]

رد: ابوذية مني وابوذية منك

رعيتك ليش كلك مارعانى
ويهمك فت دليلى ومارعانى
مره احبس بدمعى ومارعانى
ومره تطيح روحى ابين اديه

 

[الشاعر الرياضي]

رد: ابوذية مني وابوذية منك

غيرك مااله بكلبى مكانه
وكلبى نشال صرت انته مكانه
كلبى انى كلب شتضن مكينه
يحب ياهى التجى وتمر عليه