ابوذية مني وابوذية منك

[الشاعر الرياضي]

رد: ابوذية مني وابوذية منك

الك سرداب بكليبى ولك خان
وابد مايوم حب غيرك ولك خان
اذا شعرى بتعابيره ولك خان
السبب موبيه حسنك عم عليه

 

[الشاعر الرياضي]

رد: ابوذية مني وابوذية منك

فتحت صدرى لسهامه من رمانى
وشفته وكلت مدرى من رمانى
بفيى وكعد ياكل من رمانى
ويحسب للشتا شجم غصن بيه

 

[حكاية روح]

رد: ابوذية مني وابوذية منك

اليفارك حتما" اعلى النوح يدمن
ومرسى يصير بيه الهموم يدمن
نكر شيبي الهويته وصاح يدمن
ولا جن أثر هز كاروكه بيه

 

[استاذ العاشقين]

رد: ابوذية مني وابوذية منك

بعرش غدر الليالي من ربعنة
الف صاحب شرينة من ربعنة
سبب جرحك يكلبي من ربعنة
ابد ما للشماتة جروح بية


ابد ما للشماتة جروح تذكار؟
فقط كلهن لربعي وياي تذكار
نويت اتركهم وكصيت تذكار
اسافر قررت باول منية
​

 

[الشاعر الرياضي]

رد: ابوذية مني وابوذية منك

المصايب امنن بيه ولاذان
بغيابك لانضر عندى ولاذان
وحشه غروب المفارج ولاذان
العديله تكول يقروها عليه

 

[حكاية روح]

رد: ابوذية مني وابوذية منك

علامة الدهر حاربنة وشتنة
افتركنة والوشاة بذم وشتنة
تكلي اتنة يبعد اهلي وشتنة
انهدم ركن الصبر وتلوم بية

 

[الشاعر الرياضي]

رد: ابوذية مني وابوذية منك

الوكت مايوم شفنه راحه منه
ومن بعدو علينا راح املنه
تكلى شراح منكم راح منه
جثير وضلت العله خفيه

 

[الشاعر الرياضي]

رد: ابوذية مني وابوذية منك

راحن ليالى والزمن عدهن
ومتيم البيض ليضن بالوفا عدهن
عادنك البيض لاتخضع لهن عدهن
والدهر لو مال ماللدهر حاله