اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

[الصاعقة مخلد]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

وينك حبيبي ووينهه أيام العشكَـ

 

[ملاذي وتنتهي يمك جراحاتي]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

وينك حبيبي ووينهه أيام العشكَـ

وين ايام الصراحه واصدك

زعلت مني وزاد وني

عفت كلبي بنار شوكك يحترك

وين ايام الصراحه واصدك

من عشكنه الناس غارت والهوى

كله تنجن من يشوفونا سوى

رادو يشوهون حبي

وعنك يبعدون دربي

نالو الرادوه وطفو ابعيني الضوى

عني رحت ابعيد والدنيه اظلمت

يالي بس وياك ايام احلت

عميه هسه ولا اشوف
بكعبة احزاني اطوف

راحت ايام السعاده ونتهت






الطعن بالكلمات اقوى منل ذيح
​

 

[الصاعقة مخلد]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

الطعن بالكلمات اقوى امن الذبح
يالكلامك سوه بجروحي جرح


انته تحجي بدون ماتدري الكلام
خله بكَليبي ألم ماينشرح


ياعتب هذا الأكَوله وينفهم
أنت دمرت الحقيقة ابلا فهم


بقسوه ترمي سهام ظلمك يالحبيب
واقسى منهه تسوي هيج وتبتسم


يعني معقوله الكلام يمر عليك
وانته ماتدري بكلامك جنَ سم


مشكله بكَلبي أبد ما الهه حل
والله يعلم يمكن انته مثلي هم


مهما نزعل او نخاصم او نلوم
يجري بالشريان حُبك جنه دم


اهدأ ياعمري يمحبوبي الوحيد
والله حُبك ساكن بنص الوريد


انسى كُلشي وافتح ابواب الغرام
وخلي نفتح صفحه من جد وجديد


انسى حجيك وانسى حَجيي ولا تزيد
ولا تجيب أسباب زعلك..لا تعيد


ترى الدنيه وداعتك ماتكَضي هيج
بالملامه يعيش واحدنه سعيد؟


انته محبوب العُمر مهما تصير
انته الأول وانته الأوسط والأخير


يعني انته بروحي وحدك يالحبيب
وتبقى نور العين ياحُبي الجبير


...


بقلم مُخلد
الآن

 

[الصاعقة مخلد]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

مشتاكَـه روحي الك يالسافرت عني

 

[عاشق الصمت]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

مشتاكَـه روحي بس الك

يالسافرت عني ورحت

بالغربه ما تشتاكلي؟

وبلليل ما تحتاجلي؟

سهرانه عيني للصبح

جن بيهه ذبيت الملح

يالسافرت عني ورحت

سجين هجرك بالضلع

والعين بس تهمل دمع

شيزيد حالك لو طحت...!!


بقلمي الآن

 

[عاشق الصمت]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

لا تبتعد عني أبد...؟

 

[شمس]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

وهل تعلم اني حياتي بدوونك
ينقصها حيااه

 

[غرام ألأفاعي]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

عاشت ايدك
فكره حلوه
بس يمعود نحنا مو شعراء
وانتا تريد الرد من كلامنا
زين شلون فهمنا؟!!
ومع ذلك مراح اطلع فاضيه
راح اكتبلك
شي عجبني
اتمنى يعجبك استاذ مخلد
تحياتي
" روح عـني.. ياحسافـــة العمــر ضيعتــة بهـــواك..
ابتعد مني .. جنت اعمــة وامشـي متعلـــم وراك ..
انتة لوحة امزيفة.. انخدع كلبي بمـزادك وشتراك..
انتــة صيــاد ومــراوغ.. شاطــر بنصـب الشبـاك..
مثلت دور البـــراءة.. وقشمــرت كلبــي واجـــاك..
من بعيــد الـــوجــه يضحك..ولو كـــرب يطلع كفــاك..
يلي جفك كلة شوك..واني جفي شموع محروكة بضواك..
يلي زرعـك من كـزاز.. وتجـرح اجفوف الحـواك..
يلــي طبعــك كلة نــار.. وصــارت انفاسك هــلاك..
مـرقـد الحـب هــدمتة.. واصلبت روحــي بسمـاك..
تيهتني بكــاع غــربـــة .. وكلبي ماينــدل ســواك..
كطعتني بسيــف جــارح.. وتطلب اتـــرجة شفـاك..
نبتت بعيــوني سهمـك.. وجـاي تنشدنـي اشعمــاك؟؟
حيــرت دفانـي بيــة.. بكـل جــرح ينـــزف لكــاك..
جنت ابيعن روحي لجلك..واشتري بعمري رضاك..
مادريــت اقناع لابـس.. والغـــدر جنحــة طــــواك..
شكـد رسمتك في خيالي.. جنــة وقصــور ومــلاك..
لحظة واعصــارك نسفني.. ضيعــانــي وضيعـــاك..

 

[ملاذي وتنتهي يمك جراحاتي]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

لا تبتعد عني أبد...؟

كل فكري من راسي شرد

كلبي بغيابك انمرد

لاتبتعد عني ابد

عميانه عيني م السهر

عجزانه مابيه صبر
يالصرت لايام عمر

لاتبتعد عني ابد





​

 

[تاج النساء]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

بية صبر يحمل كل اه وجرح

وبيه كلام من جرحك بيه ونة
حزني بفركتك صعب زاعلني فرح

عطشانة عيني لشوفتك وكلبي يتمنة
اشوف وجهك وهم وي طلعة الصبح
روحي عليك صدكني الك تتعنة