اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

[الصاعقة مخلد]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

يالعطرك ورد وخدودك التفاح
خليني اعله صدرك اغفى خليني​

أريد أشتم ورد وأتذوق التفاح
وأريد أكثر بعد هالليله تنطيني​

ماكو اعذار كُلش وكُلشي مامقبول
أريدك بالحضن هاللحظة تغويني​

خلي اشفايفك ع الشفه وياي
ويامحلى المباوس بيه تداويني​

واشم بركَبتك وأنزل بعد وياك
وخليني أحتركَـ وبنارك إجويني​

تدري اشكد حلو من امتزج بيك
فدوه اشكد عذب بالعسل تسكَيني​

يعني الجسد واحد وماكو اشكال
مره ارويك مني ومره ترويني​

ونبقى للصبح روح بحضن روح
وانا طبعي الوكاحه وزين تدريني​

ما اريد العقل ونعوفه للعقال
مجنني العشكَـ ومجَنن إسنيني​

يكفيني انته يمي وماكو ممنوع
وياممنوع هذا البينك وبيني​

نسكر بالشفايف ونغفى ع الآآآآآآه
واذووب اوياك آآآه والف ياعيني​

وتحلى الآآآه صَدك ياترف وياك
ما اصحيك منهه ولا تصحيني​

ونرجع للحضن مو مره مرااات
وما ترهم حضن غيرك يدفيني​

انا المخلوط بيك ومنعجن وياك
وأحسك بالهوى وحدك تداويني​

وانته أجمل دوه موصوف بالكون
وانا المعلول بيك وانته تشفيني​

بقلم مُخلد
الآن​

 

[الصاعقة مخلد]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

اشوفنك حلم ساكن جفون العين

 

[ملاذي وتنتهي يمك جراحاتي]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

اشوفنك حلم ساكن جفون العين

واشوفك بالكلب نبضات مجنونه
تهيج اتكطع الشريان

اذا صدفه حجو واسمك يذكرونه

.......................

ملاذي
​

 

[راعي الطيب]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

ما قدرت أنساك و أبدأ من جديد
وﻻ كان في مجال إني أكمل معك
لا تقول علي قاسي وقلبك حديد
ليه نسيت من سقاق الحب وعلمك
كل ما جيت أكحلها معك جبت العيد
خل لي غراك وضحك عليك ينفعك

 

[تاج النساء]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

اي تعال .وضمني حيل بين اديك
اي تعال مابقى صبر اليوم اجيك
ماكو صبح .كلي ليل.
وانا بحضني اشوفك من حبي ويل
رايدك لو حتى لحظة كلبي مجنون بيك

 

[الصاعقة مخلد]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

حلوووه الومضة...


....


يله هم نرجع حبيبي
للاحضان الدافيات


واقطف بصدرك واشمم
بالثمار الراويات


ونلعب بليلتنه جوبي
ونرمي كل الساكنات


نلعب محيبس بدينه
وبس احضنك كَول باات


واذا بستك بالشفايف
اسكت وخلهه سكات


ولا تسولف بيه لامك
او تسولف للبنات


تدري مجنون بمحبتك
وعقلي منسوج بشتات


هيج من الله خلقني
أرسم احضانك وأبات


كُلشي بيه يموت يمكن
والعشكَـ مايوم مات


مُشكله انته حبيبي
وآني أحب المُشكلات


بقلم مُخلد
الآن

 

[ملاذي وتنتهي يمك جراحاتي]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

يالله وينك ما اجيت

اني منتظره قدومك

وينه ليلك وينه يومك

وينه وعدك ما اجيت

روحي منتظره غرامك

كلبي ذايب من هيامك

شتعلت النار ابدليلي ولا حجبت

يالله وينك ما اجبت

هناك منتظره اللقاء

يالله شوفني الوفاء

افتح احظانك حبيبي خل اذب روحي عليك





ملاذي
​

 

[تاج النساء]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

جيتك أمنية على شفايفي مرسومة
وحبك بالكلب عايش صدكني مامات
ولهفة كليبك على كليبي موشومة
احضني كلش حبيبي بس بسكات
من حضنك حبيبي صدكني محرومة

وانا كلي شوك واعوفك لحظة هيهات

 

[غرام ألأفاعي]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

يـكـلـي انـسـه .....
وانـه وياه مــثــل فـلاح
زارع بـالارض نـفـسـه
يـكـلـي انـسـه ....
مـايـدري بـدونـه الـروح
مــثــل وحـده ذبـحـهـا الـخـوف
تـريـد تـصـيـح بــس خـرسـه!!

 

[رمااد اانسان]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

تانيتك حلم بس مااجاني النوم

...............................