رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول
جنوني بيك فاض وبين اوياي
وأنا العاقل حبيبي وكُلهه تعرفني
ساكن كُل خيالي وبس افكر بيك
وأخلص الليل أحضنك وانته تحضني
اووف من الجنون شسوه بالحال
مجنون وخيالك هو جنني
يسألوني اصدقائي شبيك صافن دوم
وانته الجنت شعلة فرح وتغني
اجاوبهم سكوت وما اريدن صوت
خلوني بخيالي هذا متهــني
ممنوع الكلام وطيفه موجود
هذا الغالي عندي بكُلشي مالكني
يبقى النبض هو والكَلب والروح
ومنو غيره حبيبي يبقى ساكني
يمن فدوه لحبيبي كُلشي بالكون
وما ابيعه أبد الما مره بايعني
لو مهما اختلفنا أبقى أحبه اهواي
وما ازعل عليه ويبقى شاغلني
يجرح بالكلام اوياي مرات
واظل بس ابتسمله وهو جارحني
ويعرفني ويه غيره نار من نار
ولا أخلي اليمسني بيومه متهني
بس مشكلتي يمه اضعف اهواي
وأظل أسمع حجيه وهو تاهمني
واعديه الكلام ولغيره ماعديه
وما ابرر أبد والشغله متهمني
وعلى هاي المعاني غنت ام كلثوم
أسامحوو للحبيب وهو ظالمني
اوف واوف منه هالحبيب اوياي
باغراءه العجيب البيه جنني
سبحانك الهي ليش منطيه
كل الفتن عنده ومنها تحرمني
اريد ارتوي منه ومنها ارويه
وانسى الكون كُله ومحد يهمني
جنني بغرامه هالطفل والله
روحي تذوب ييه بكُلشي ذوبني
من عنده الترافه اشكال والوان
وباحضانه الحياة وهو يحضني
احبه واعترف اهوااه واهوااه
ومن دون البشر بس هو يعجبني
....
بقلم مُخلد
