اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

[بنت العز]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

يسلموو مخلد ع كلامك مشجع اليه
انت معلم ع كولت ضؤؤء هع

 

[الصاعقة مخلد]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

ههههههه


اي احنه نشجع الاقلام الجديدة التدخل للموضوع ههههه


عااشو ام سيوفي الورده


....

 

[الصاعقة مخلد]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

ماكو حب بهالوكت
كلمة اقراها كثير

انتوا جربتوا المحبة؟
حتى تحجون بضمير

الحب نقي للي يعرفه
نقي..كُلش..للأخير

الحب صفاء وتضحية
وكلمة معناها جبير

من أحبك يعني أحبك
يعني بعيوني أمير

يعني انته الدنيه كولهه
ومرتبط بينه المصير

يعني انته الروح انته
وبهواك أبقى أسير

يعني كُلشي بدنيتي
شما صرت أو راح أصير

يعني ما اشوفن سواك
وعيني عنك ما تدير

يعني عُمري وكل حياتي
وانته الأول والأخير

....


مُخلد

 

[ضــہہہــؤؤؤء القمــہہہــررر]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

مر بينه نجمة طاحت ع الارض زعلانه
تلكاني ليله واترك انفاس الشمس ولهانه
وتلكاني تارسلك ياس ونده
باحضان جفت بس عليك معوده
وتشبك كل ليلة عرس طيفك
ولك مو غيرك
لو كبريائك طاوعك تبعد وهجرك غده زمبيلك ..
ارجع تره البيه جمر
محتاج بس نسمه تمر
واغديلك النار وسمر
ونسه وعلي وياي اخضر الصحره
اترس نده لحد ما تخضر الشجره
واشبگ حنانك واحضنه
والعب بدور انه المحب
حد ما اعيش الدور والحبيته
والحال اصير لكلشي گال لحالي
بس كلشي عاگر من احسبه ابالي
يمته الهوه يوكل حضن من طيفه يتراوالي
جم مره اني ابجي واظل الحالي
صرت امشي واتعثر انه بذيالي
واطيوفك ارسمن الي بخيالي
واشما صرت واصورت شوكك غده جتالي





الان بقلم الحسره
25-9-2015 الجمعه

 

[الصاعقة مخلد]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

حلوو جداً حلووو

منورين باشعاركم الحلووه

...

 

[الصاعقة مخلد]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

حبيبي انته وتظل للأبد وياي
وعلى اعناد الزمن سلمتك الروح

أنادي الناس بسمك والفكر مشدوه
واصيح بصوت احبك وآني مجروح

وأتخيل وجودك وانته ما موجود
واسولفلك حبيبي عني لتروح

وأظل أحضن خيالك والدمع بالعين
وأحجيلك يعمري شسوه بيه النوح

وأشرحلك حبيبي ليش غالي اهواي
ولا جني حجيت وكلشي مشروح

ولك بس الحنان البيك يكفي الكون
شحجيلك بعد يالساكن الروووح

...

بقلم مُخلد

 

[عاشق الصمت]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

أبشرك نبت وسط العين صُمًان
وايادي الوكت حيل ويًاي صمًن
صرت مثل الكَعد يم ناس صمًان
أصيًح والصدى يرجع عليًه

بقلمي الان

 

[رمااد اانسان]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

وهسه حالتنه ضياع
والزمن راسم وداع

يسلمووووووووووو على االابدااع االمستمر

 

[الصاعقة مخلد]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

مو جديده تمر عليه

عشت كل عمري وحيد

اسهر الليل بوحدتي

مسامر النجم البعيد

اكتب اشعار وخواطر

والحبر دم الوريد

اكتب لطيفي الأحبه

الصار عن عيني بعيد

طيفي ماموجود هسه

وافتقد نوره وأريد

ارد اكوله انته روحي

انته عايش بالوريد

شنهو اخبارك حبيبي

فدوه هم عايش سعيد؟

فدوه هم تذكر عشكَنه؟

وبالرسائل هم تعيد؟

هم تردد كل غزلنه؟

وبالبجي دمعك يزيد؟

هم شعرت بطعم فرحه؟

وهم تحس العيد عيد؟

والله ياعمري بدونك

الفرح اصبح فقيد

عاندت بيك الليالي

وانته تعرفني عنيد

بالكَلب يبقى مكانك

اقسم بالله الشهيد

بكل جزء مكتوب اسمك

انته ياعشكَي الوحيد

تنبض بشرياني انته

وتمشي وي دم الوريد

ولو اعيش العمر كُله

والله غيرك ما اريد

....

بقلم مُخلد
الآن
4:47 فجراً

 

[تاج النساء]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

هاحبيبي ادري كلبك..بيه يذوب
وادري البعد .بدكات كلبك يجرح
تعال اريدك من حبك..مااتوب
وحتى الحزن بشوفتك صدكني يفرح
انه بشوفتك ترد روحي اليه يلمحبؤب.
وحتى بكهوتي اخربط واخلي ملح.
بقلمي