اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

[تاج النساء]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

يجيلك يوم.والزمن بيك..يندار
وترجع الي .حبيبي مكسور خاطر
شفت منك أذيه بكد شعر الراس
اوعدك بنار خيانتك.تحترك باجر
يمكن حبيتك غلط.وبيك انغريت
الغلط مني ماعرفت اعاشر
هاشبيك.دموعك تاكل الصفنات
هاشبيك.قرر.غدرك...يهاجر
تزرع سيفك بكلبي .وبجي بسكوت
وانت بكلبي تفرح سيفك ناحر
بقلمي

 

[الصاعقة مخلد]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

مو لحظة العشكَـ ياعمري وتروح

ولا لعبة المحبة بهايه وبهاي

احبك يعني أحبك وانتهى الموضوع

وعنوان الوفاء بكلشي يهواي

نصير اثنينه روح بوسط روح

واصيرلك حبيبي الهوى والماي

وننسى احزانه وننساهه الآلام

وعلى هاي المعاني نفرح اهواي

ولك انته حبيبي وكولشي بالكون

أمير لكل حياتي وعمري الجاي

اعيش اوياك أجمل عُمر والله

عاشكَـ بس الك وللعشكَـ وفاي

وما أهتم حبيبي لو حجت هالناس

تظل انته الملاك العايش اوياي

صدكَني يغالي منــــك يغارون

لأن وحدك كَمر ومنور اسماي

...

بقلم مُخلد

الآن

 

[ضــہہہــؤؤؤء القمــہہہــررر]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

ياعمري لاتتمنه
ماطول جافانه العشك ...وبطلنه
لاحيره ظلت خاليه
ولاظل ولف يتعنه


لاتدك ياكَلبي قهر
مقفول باب الجنه
وهنوب ماكو ظنه
الماصفت نيتنه


ياحبيبي ..
ماطول راضي بموتنه
يامخسره لنواحنه
الروح مشتعله جمر
واعله الصبر هي دامنه


اتبدل بطبعه العشك
لو احنه اتبدلينه
اشكثر دللنه المحب...
ودمعاتنه اتكطر بدينه
وتاليه دناينه اوصفت
جنه ابد مو النه

بقلمي الان
ضؤؤؤء
​

 

[الصاعقة مخلد]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

حلووه ضووء
عاش هالقلم

ومنورين

...

 

[ضــہہہــؤؤؤء القمــہہہــررر]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

منك يبعد الروح اشكثر خله
يكفي العتب وياك وك مو ذله

اقسم بحرف (ب) وياك انه نصه
حبك بيه نص (حـ) وحرفي يكمله

بشوكي سهرت اليل ومناطره فياك
حته الدمع بالعين جف وبقه اخيالاك

انته الضوه للعين وانت رمشه
مثل الجسد مايلوذ اله بستره

اوف شبلتني الروح بحبه ماتوب
شفنه اليحب اهواه احبه بسلوب

الماينسعد بالشوك شفيده حبه
والمايحب اهواه ون السعد منه

الان بقلمي
ضؤؤء

 

[تاج النساء]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

كلي وين الاكيك.اجيك.كلي شلون.

احس حتى بغيابك..معميه العيون.
العين.ماتشوف.الكلب ينزف ملهوف.
نخيتك بس تجي اكصلك هاي الجفوف.
هاحبيبي .البعد.فزز جروحك
احس ليلي اضلم.يوصلني نوحك
اي تعال وبرد نار الجروح.
لا تروح.سكتت عيوني بس تنوح
ادري نار كلبي لكلبك تفوح
بقلمي

 

[مدينة الحب]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

تكـرهني واكرهك هيجي انت تريد ؟؟
حسبالك سهل ؟؟ مو صعبه علي نسيانك
تكدر تنسه انته وتكره الحبوك ؟
تكدر تجرح انت العشك بستانك ؟؟
بس ضكت الفواكه وانت موطماع
وشميتك ورد مكطعت ريحانك
لان ضكتك ضجت تكرهني ليش شبيك ؟؟
وبقسوة تعامل كليبي الصانك
بعيونك حجي .. اتغيره ليش وياي ؟؟
انه امدوزنك ومألف الحانك
ليش لسانك يغيير حجي العينين ؟؟
ليش تخون عينك انت بلسانك ؟؟
انت كليبك ابيض شو قسيت وياي !
هسه ادري شعجب شو كثرت الوانك ؟؟
انطيتك عشك ما شفته من الغير
كلي شقدمتلي وانت كدامك ؟؟
ادك بابك اذا شفتك نمت مقهور
واتعذر وأكلك ردني لحضانك
تجازيني بسهر وصد ضد النوم
عشت وياك اداين عمري لك كل يوم
وانت الماينام بليل ديانـــــــــــــك
ميزانك جنت مكشوف دوم وياك
عليك يهون يمكن تنسه ميزانك ..؟..
تجرحني واشوفك تضحك بكل صوت
وما يغلط ابد بعيوني نيــــــشانك
طير انه ولكيتك بيك كوم اغصان
كلت ارتاح يمك واغفه بحضانك
وكفت انه اعله غصنك ما قصدت ااذيك
اشو بلاريح وخرت مني اغصانك
قصدك واضح ادري تريد اطير ابعيد ..
هاذ انه وطرت من جنة اوطانك
جيرانك اضل لاتنسه حق الجار
من بعيد سلم انه جيرانك
ولو ماضن تراني هنا وانت ابديت
حبيتك ولو هجرني بستانك
حبيتك ولو هجرني بستانك ..

 

[مدينة الحب]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

انه بكلبي سوالف ماتلمهه اسطور
وارد احجي بصراحة وياك عل المكشوف
مو طبعي النفاق ولا حجي الوجهين
ولو احجي الصدك مااعرف انه الخوف
تعارفنه وحجينه بطيبة النية
وجرتنه السوالف والحجي معروف
اريدك تفهم المضمون مو كلمن
يدك الباب نوكفله ونمدله اجفوف
ولاكلمن تبسم لو ضحك
النه يصير ابينه مالوف
تره الينظر فصال الثوب
من تفصاله يعرف اصلي لو مريوف
انه الحبيت روحك كبل لاشوفك
وصغتلك بالكلب سجة اعله مد الشوف
وصرت انت الفرح للروح
مثل شوك اليتيم وللفرح ملهوف
تعاندني السطور لو ردت اكتب
ويطوف اسمك غفل مابين الحروف
اصد للروح الكاهه تسولف بيك
ولن رسمك بروحي وبالخيال يطوف

 

[تاج النساء]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

طيفك كل مسيه وياي.صدكني يسليني.
وحروفك.تحفر البال .وتدك بالروح
احسك الدنا ضلمه من ماتشوفك عيني
من بعدك هالعيون ماتبطل ..نوووح
اي اريدك.احس اختنك.من تغيب
يالحبيب لو لحظه مر وداوي لجروح
بقلمي

 

[عاشق الصمت]

رد: اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

جثيره اهموم حطن وسط يوفي.. (داخلي..او احشائي)
وانادي ابصوت محد قبل يوفي .. (الوفاء)
جنت آنه الشمس يردون يو في ..(الفي او الضل)
ومن طحت بمصيبة اكَطعو بيـًه

بقلمي

تحتاج الجناسات احيانا توضيحها ليسهل على القارئ فهمها