أداة تخصيص استايل المنتدى
إعادة التخصيصات التي تمت بهذا الستايل

- الاعلانات تختفي تماما عند تسجيلك
- عضــو و لديـك مشكلـة فـي الدخول ؟ يــرجى تسجيل عضويه جديده و مراسلـة المديــر
او كتابــة مــوضـــوع فــي قســم الشكـاوي او مـراسلــة صفحتنـا على الفيس بــوك

اعطيك كلمة او عبارة واعطني ومضة او دارمي او ابوذية او قفشة شعرية..بقلمك فقط ويمنع المنقول

ابن الرافدين ~

عجزت ملوك الجان ان تفهم مزاجي..
إنضم
27 مارس 2023
المشاركات
3,836
مستوى التفاعل
6,288
النقاط
113
الإقامة
في جزيرة بعيدة..
الموقع الالكتروني
www.facebook.com
جيت انسى
وفكرت يمكن نسيت
وفتشت عن كَلبي وينه؟
وصدكَوني ما لكَيت
لا كَلب
والروح ماكو
يعني معقوله انتهيت؟
ودورت كل يومي عنهن
وسكته والله وما حجيت
وصفنه خلصت الليالي
وبحالي هذا ما رضيت
وبقت الافكار بخيالي
ومن حزن عيني غفيت
وعلى ساعه.. على ساعه
وانته جيت
جيت تضحك والفرح واضح عليك
ومن شفت ضحكة عيونك
والله يالغالي انتشيت
وكَلت مو كَتلي نسيت؟
هذا كَلبك وهاي روحك
راحوا بلحظة مشيت
واجن ويايه بمشيتي
ومن شفتهن ما حجيت
كَالن احنه اوياك والله
ونرضى لو انته رضيت
واحفظتهن واحضنتهن
وعطرك البيه انتشيت
تدري بيه اشكَد هويت
وتدري بيه مانسيت
وتدري كل العُمر انته
حتى لو كَتلك نسيت

.....

قلمي
 

ابن الرافدين ~

عجزت ملوك الجان ان تفهم مزاجي..
إنضم
27 مارس 2023
المشاركات
3,836
مستوى التفاعل
6,288
النقاط
113
الإقامة
في جزيرة بعيدة..
الموقع الالكتروني
www.facebook.com
رجعنه مثل الاول وصرنه اغراب
ما جني اعرفك ولنته تعرفني

كل آمالنه راحت والاحلام
والاوعود القديمة المنك ومني

ما جانت ابد هالقصة عالبال
عنك ابتعد او تبتعد عني

ولا جانت ابد ياغالي عالبال
هيج بكل قساوة الزمن يكتلني

بفراكَـ التحبه الدنيه كلهه تموت
ويموت الامل كله الجان ساكني

وشنو لذة حياتي وانته ما موجود
احضنك كل دقيقة وانت تحضني

وشنو يسوه العمر ياعمري والله
من كَلت ابتعد وانت التوافقني

أكَول انت السبب؟ لو مني الاسباب
غـــــاب العقل بينه وهذا دمرني

لو هم نحجي الظروف ونشكي الحال
وكل واحد يكَــــــول الغلط مو مني

يله مو مهم المهــــــــم انت بخير
وخل نظهر الفرحة نسولف نغني

وخلي الكون كله يكَول فرحانين
ونخفي بالكَلب كل حزنك وحزني

خلص احنه افتركَنه وراح بينه الراح
وصرنه كالغُرب يالجنت مالكني
...

بقلمي الآن
15/9/2025
 

الذين يشاهدون الموضوع الآن 1 ( الاعضاء: 0, الزوار: 1 )