تهجدات انسان في محراب الأحزان

[اسير الضمير]

رد: مدونتي قطار الحب

سارحل
نعم سارحل والدموع تملء عيناي
اقسم اني بريئ مما حصل سابقا
اخوتي رمو قميصي والقو التهم عليه
كما فعل اخوة يوسف
الذئب بريء من دم يوسف ويعقوب يعلم
لكن ظل الذئب متهم
الى اظهر الله الحقيقه
انا انتظر ربي يظهر الحق
ولكن اعلم انه لن يصدق احد
فقميصي اصبح الدليل
ولم يسئل احد ان كاني قميصي قد من دبر
اوم ن قبل
ولكن الله يعلم انهم وضعو قميصي محل الجريمه التي ارتكبوها
عماد البهادي
الان

 

[اسير الضمير]

رد: مدونتي قطار الحب

اصيرن جسر للطيبين
خل ضهري يدوسونه
عماد
الان

 

[اسير الضمير]

رد: مدونتي قطار الحب

مامرتاح بعدك وسئل الليل
ويوجعني الهجر وتفز الالام
بعد مابيه اكومن راح ذاك الحيل
درت وجهي ونباكت حته الاحلام

 

[اسير الضمير]

رد: مدونتي قطار الحب

بطّلت العرگ راح اشتري عمامه
واصيرن شيخ واتوسّط اللگامه
@@@
أصيرن شيخ واقره بمسجد السنّه
وأگلهم تره الشيعه تريد تاكلنه
مو إلهُم تره هذا العراق النه
گالاها قبل سنتين أوباما
بطلت العرگ راح اشتري عمامه
@@@
أصيرن مُلّه واقره بمسجد الشيعه
وأگلهم لازم امري الكل تره يطيعه
تريد السنّه هذا عراقنا تبيعه
وبعد ماكو لطم زنجبيل لاقامه
بطَّلت العرگ راح اشتري عمامه
@@@
وأريد اتعلَّم اشويّة حچي كردي
ولف اشماغ وسروال بعرض جدّي
واگول المشكلة حلها ترى عندي
كاكه بلي ،،،،، نفط بلي
تنكه إلك ،،،،،،، تنكه إلي
رميله إلك ،،،،،، كركوك الي
ونسد الباب لا بابا ولا ماما
بطَّلت العرگ راح اشتري عمامه
@@@
بطَّلت العرگ ماريد اشربنّه
لأن بالآخره يحرمك من الجنّة
بس الباگنه وباع برخُص دمنه
هذا الجنّة بس يموت جدّامه
بطَّلت العرگ راح اشتري عمامه
@@@
بعدين العرگ ينراد له مزّه
منين انجيب واحنه ندوّر الخبزه؟؟
وحكومتنه القفل والباب والرزّه
باگتهن وضاع البيت (يام شامه)
بطَّلت العرگ راح اشتري اعمامه
@@@
بطَّلت العرگ ،، العرگ ما ينراد
بأول بيك تحچي الصدگ( يابو زناد )
وهذا الحچي ما يمشي اعله اهل بغداد
طلقه وتنتهي وبالراس الحجامة
بطَّلت العرگ راح اشتري عمامه
@@@
أريد ألبس اعمامه بكُبر حزن الناس
واگعد بين گبر إحسين والعباس
واصيحن ليش گدرك يا وطن ينداس؟؟
وتِشيخ اعليك حفنة إلصوص غنّامه؟؟
بطَّلت العرگ راح اشتري اعمامه
@@@
بطَّلت العرگ !!! ما بطَّلت لاله
مجنون اليظل صاحي اعله هالحالة
معروض الوطن للبيع (يچماله)
ومامش ابن اوادم حتي نشكيله
جيبيلي عرگ ارد اسكر الليله
وارد انعل ابو اليشكيلي واشكليه
بطلت العرك راح أشتري عمامه…

منقول

 

[اسير الضمير]

رد: مدونتي قطار الحب

عثر بيه الحزن
طشر ضحكتي جروح

 

[اسير الضمير]

رد: مدونتي قطار الحب

ماراح أطلب من الحياه شيء غير انها تجمعني بشخص يشبهني، يشبهني من الداخل
ف ان كان ل شبه الشكل الاربعين ف للارواح لا يوجد شبيه

 

[اسير الضمير]

رد: مدونتي قطار الحب

ما مجروح بس ندمان
عمر خلصته وي عميان
مو عميان قلة شوف
لا صاحين ويشوفون كلش زين
وادم عافت الله وعشگت الشيطان .

 

[اسير الضمير]

رد: مدونتي قطار الحب

شلع كلبي بلادي ..... من هويته
وخنكني ابضيم واشتم .. من هويته
العراقي الصح تعرفــــــه ... من هويته
صوره ومنختم غيره وحميـــة

 

[اسير الضمير]

رد: مدونتي قطار الحب

يلوك اعليك كلشي...لابس انته
وعليش الى يحبك...لابس انته
اذا تسألني عاشك لا...بس انته
احبك وانته تتعزز عليِّهِ

 

[اسير الضمير]

رد: مدونتي قطار الحب

عندما تأتيك رسالة تغضبك
أخِر الرد عليها لليوم التالي
فبعد يوم ستجد نفسك
إما أن ترد عليها ردًا حكيمًا
أو أنك سترى أنها لاقيمة لها ولا تستحق الرد