تهجدات انسان في محراب الأحزان

[اسير الضمير]

رد: مدونتي قطار الحب

يا يونس ضريحك فجروه اهل الغدر
ما عدهم شرف ماعدهم اخلاق
لا تترجه ظالم يحن عليك
لان باعو الغيره بنص الاسواق
داعش زمرة الارهاب لا دين
بس عدهم عفانه وعدهم ابواق
اصبر يا نبي الله عله الضيم
يومين ويرد ردود العراق
بقلمي لسيدي ومولاي يونس (ع)

 

[اسير الضمير]

رد: مدونتي قطار الحب

عذرا يعيسى بعد ماكو سباع
ولدك هجروهم ما تلمهم كاع
يا رمز السلام وناصر الدين
ما تدري الضمير عدهم نباع
اسف يا نبي الله عله الصار
ما عدنه شجاعه والوطن ضاع
بقلمي واعتذر من مريم العذراء

 

[اسير الضمير]

رد: مدونتي قطار الحب

عندي اجروح تضحك من تمر شمات
شايف هيجي حتى اجروحي شخصية

 

[اسير الضمير]

رد: مدونتي قطار الحب

 

[اسير الضمير]

رد: مدونتي قطار الحب



قصيدة وطن واحد


عينك على موطنك وبرخص لتبيعة
انت عراقي الشهم وبركبتك بيعة
الوطن يعني شعب ونوصفه باكة ورد
والعطر كل العطر بالسنة والشيعة
خليك تعشكَـ عمر وبشوكـَ اهوه علي
والوطن ماهو الك ولا ارضه كله الي
وثق عرضك يهمني وذلتك ذله علي
لوراد داعش يهم ويريد ترويعه
الغربية ما غمضت في يوم ذل وقهر
والموصل محزمة بحزام عزه وطهر
ليش نتذابح علن وبسبب اهل العهر
يريدون هذا الشعب ذلته وتجويعه
بقلمي
عماد

 

[اسير الضمير]

رد: مدونتي قطار الحب

من تمشي على هونك ارحم بممشاك​

​

​

شارعنه تفلش وانكسر ظهره ​

يالبايع ثكل وبكل رزانة تفوت

طولك كل صباح الوادم تنطره

اريد اوصف جمالك وانه محتار

منين ابدي الوصف وشفايفك جمره

وعندك ركبه مرمر والجتف ميزان

ومرجوحه الزنود اليمنى واليسره

لو شفت الخصر يتراوه نهر النيل

يغركنه ونضيع بمده وبجزره

خاف الله بينه وطول الثوب

سيكانك ثلج منحوته بالقدره

مو بس الشباب تريد ملكاك

ولك شياب صبغت ذبت الغتره ​

​

​

 

[اسير الضمير]

رد: مدونتي قطار الحب

اهلا ياشعب الانبار

يا اهل الغيرة العربية يا احرار

حط ايدك وي جيش اعراقك

ونعلن صولة عل اشرار

انجاس ولازم نبترهم

ومانقبل منهم اعذار

دليم ..جبور ..كبيس ..وزوبع

الماينذل عدهم خطار

يافخر الامة ورايتها

ياسيف الحق البتار

ياداعش يابعث اليكدر

يدنس ارضج يا انبار

فزعت ليج البصرة وحلة

وميسان وكوت الابرار

ايد بايد ونعلن ثورة

وبعدانا انسوي الماصار

وبعدانا انسوي الماصار

بقلمي

 

[اسير الضمير]

رد: مدونتي قطار الحب

الخاين صحبته ناقص ربة نسميه
الباع صويحبه وفضل عليه حرمه
بقاموس البشر ماكو اسمه ماموجود
ولا ويه الزلم ماينحسب زلمه
تفضحه سنونه من يضحك بكشرت ذيب
وريحة غدر بيه منااااااك نشتمه
اليخون الملح ويحط سمه بالماعون
شتنصحه بعد شتگله شتفهمه
لوو تحجي عمرر يجاهلك ويروح
وچن كل الحجيته تگول مو يمه
البگلبه سوواد شتظنه يلمع يووم
يضل اسوود گلب ومصاحب الضلمه…
والينسه الاخو ويبعه يم اغراب
وباتعس صفات يوصفه ويذمه
شنسميه الباع العشره لاجل الغير
حاير بالاسم فهموني شنهو اسمه
اذا اسميه بشر تغتاظ كل الناس
لذلك هاك فرشه وانته الي رسمه

بقلمي
عماد البهادلي

 

[اسير الضمير]

رد: مدونتي قطار الحب

كُل الاشياء تُرافقك لفترات مُعينة فِي حياتك
ومِن ثُم تدفعك لتُواصل حياتك بمفردك
وحده الله من يرعاك حتى النهاية

 

[مغلق]

رد: مدونتي قطار الحب


حلووووو. هههههــ كلك شخصيةةةs=219