قلم مميز ((حروف من الروح))

[مـــجيـّدالسيــــد]

اطلب عليه وكول

موتدري يلمدلل

ماردلك طلب خالي

وبالك تذل الروح

وترخص دمعة أعيونك

مو دمعك علي غالي

مااتبع جدم غيرك

وغير ضحكاتك الحلوة

أبد ماضحكة تحلالي

صارت أطيوفك مثل ظلي

وبطول الوكت وياي

مو بس بليل تبرالي

وأحن ليك وأنته يمي

وأبد ماأرتوي منك

وظل عطشان للتالي

اأطلب كلي كدامك

اعز شي عندي هاي الروح

وماتغلى الروح علغالي

من مدة وانه مهموم

والحزن صاير صديقي

أجيت وغيرت حالي

جنت اكولن مات الشوك بعروكي

وميهزني بحر من الحنين

وطحت مابين روجك العالي

وجنت عايش بلاوهام

ومن عرفتك ياحياتي

كلشي انزاح من بالي

عندي يمك طلب واحد

لو اتصير كل دنياي

لو اتصير جتالي

وانته اطلب كلي كدامك

اعز شي عندي هاي الروح

وماتغلى الروح علغالي


بقلمي


مجيد السيد

 

[مـــجيـّدالسيــــد]

يبو طول الحلو ومجنن اهل الشام
تدري ليش انته حلو جي لنك انته خام
مخبوط جبن وعسل والرمش يمكن جام
من كتلك انته البدر صدكني مو اوهام
محبوب من البشر وتحبك الاصنام
هم بيك مرة التقي وتتحقق الاحلام
اشلون اوصل الك ومزروعة بيك الغام
مبخوت ابيع العمر واخذلي بيك اعدام
تتجادح اعيونك جدح وترمي نبل وسهام
تستاهل انته صدك تنتحر بيك ازلام
تدري انته لو من ذهب بمليار كل غرام
بقلمي
مجيد السيد

 

[مـــجيـّدالسيــــد]

صباح الحُب لكل الأشياء التي تحفزنا على الحياة
لكل القلوب التي لا تبصر منا إلا الأجمل
لكل الأرواح التي تشاطرنا تفاصيل هذه الحياة ببساطة متناهية وعفوية ملفتة
صَباح الخيــر

 

[مـــجيـّدالسيــــد]

راح أروح ،،،،،
على الرسايل ،،،وين ماكاتب،,,,
أحبك ،,,,
يمها أكتب ,,
موصدك،،،

 

[مـــجيـّدالسيــــد]

لا يخدعك جمال الشعور...

فهناك فرق بين الوصول للقلب♡

و بين المگـوث فيه ...❤

 

[مـــجيـّدالسيــــد]

عيد العشك والشوك مو هذه عيدي
يوميه اعيد بيك من تلزم ايدي

 

[مـــجيـّدالسيــــد]

اضمك وين من ياعين هوه المثلك شينضم
بخـور هنــــود مـــن ســـابع ســلف تنــــشم

 

[مـــجيـّدالسيــــد]

ما أجمل قلبي حين يخونني ويهرب إليك ...
حينها فقط أدرك أن بعض الخيانات وفاء❤

 

[مـــجيـّدالسيــــد]

كون بعيونج أنام
وأغرك بحر الغرام
وينرسم بعيوني فجرج
وينكسر جنح الظلام
كون بعيونج أنام
..............
كون بشفافج أموع
ونتجي حدر الظلوع
أنتهه عصر الدموع
وأبتده عصر الهيام
كون بعيونج أنام
................
كون ميطول السكوت
وبالعجل أسمعله صوت
وكون بحظانه أموت
وأستمع لعذب كلام
كون بعيونج أنام
................
كون نغرك بالعشك
وبالغزل نفشك فشك
صوب أسهامك رشك
ونبت بروحي السهام
كون بعيونج أنام
................
كون نغفه ومانكوم
ونفكس أعيون الغيوم
وتحتفل كل النجوم
وتنتصر شمس الوئام
كون بعيونج أنام
................
بقلمي
مجيد السيد

 

[مـــجيـّدالسيــــد]

ياوردة الورود
اعشقيني بلا فواصل
وحدود
واعشقيني بلا تحفظ
وقيود
ف انا عاشق لايعشق
الاهمال والبرود
وانا فارس
لايموت الا في ساحات
الخلود
ياوردة الورود
الا تعلمين
ان الموت في محراب عينيكِ
بند من البنود؟
الا تعلمين
ان الغياب يقتلني
واكرهه ككرهي
لليهود؟
اولا تعلمين
ان عشق العيون
لايحتاج ل قسم
وشهود ؟
اين انتِ ياوردة الورود؟
هيا عانقيني
واكسري حالات
الجمود
...........
............
ياوردة الورود
وحورية المساء
والصباح
هيا انتفضي على الاحزان
والجراح
وهشمي كل رؤس
الرماح
واتركي باب قلبك
متاح
واكتبي عليه ممنوع الاقتراب
هو فقط ل حبيبي
مباح
يازهرة الصباح
نعم لم تلتقي اجسادنا
الا اننا في كل يوم
نتعانق بالقلوب
والارواح
وفي كل يوم
تتقاذفنا الامواج
والرياح
وفي كل يوم
يقتلنا الشوق
وتغمرنا الافراح
يازهرة الصباح
وياعطر قلبي
الفواح
اني معكِ فقط
ارتاح
وساضع قلبي
بين يديكِ
واعلق روحي
حول عنقكِ
وشاح
بقلمي
مجيد السيد