رد: حروفي تخرج من الرماد وتلوذ في جراحاتي
قارورة عسل
شلون أوصفج؟ ويــا وصف الكــــــــــــــــم شمل
يا قـــــداح يا تفـاح ياعطر الورد يا قارورة عسل
وصف الحسن ناقص يظل بحسنج يــاغنج اكتمل
يا برحي يا خصاب يا مجدول هسه بالموسم نزل
من طين؟ لا مــوصـــــــدك! طينك أظــن يختلف
معقــــول طين وطلــــــــع من عنده هذا الترف!!
مضمر وطولـــــه حلـــو والعين عيــــن الخشف
الخـــــدود طلت بـــــدر تتناغــــــــــه ويا الزلف
هــــــذا جمـــالك بالحــــــــــــور أبد ما ينوصف
اليشوف حســــنك أظن تحدث اله صدمه ونزف
وإطرافـــــــه لازم تختلـج والجسم يرجف رجف
يفقد خــــواص الخجل والخـــــوف والمـو عرف
معـــذور من يشبكــك مجبــــور مو شغلت صلف
منين كلي حضــرتك حتى اعمـــــــل وياكم حلف
**************
العسل بجروف شفتينك معلب
وحلو الرمان البخدك مع اللب
ساهر وانتظر تفتح مع اللاب
الشمس طلعت ولا حسيت بيه
**************
حرت شوصف جمالك ماله وصفه
مريض وأحس حالي ماله وصفه
كون وياي بس ليه مالي وصفه
وياي لاتلعب عليه!
***************
جمالك ما نوجد ياغنج وصف له
وكلبي أمريض بس شوفك وصف له
حلمه انته ومنيته ... وصفه له
منك هجر وفراك وأذيه
***************
سبحانه من سواك سبحاته فتاح
شفتك طعم جوكليت والوجنه تفاح
***************
شوصف جمال البيك كل الوصف زور
مو من أنس ضنيت معقوله من حور؟!
***************
بقلمي
رمااد أأنســــان
خلدون الانباري
