يمنع الرد حروف واوراق فوق الرفوف

[رمااد اانسان]

رد: حروفي تخرج من الرماد وتلوذ في جراحاتي

هــا يولفي
ارتاح گلبك من مشيت
بگد هوه الله
الشوگ بيه وماحچيت !!

 

[رمااد اانسان]

رد: حروفي تخرج من الرماد وتلوذ في جراحاتي

خذاك الماعليك يلوك
وانه بكلشي لايكلك

 

[رمااد اانسان]

رد: حروفي تخرج من الرماد وتلوذ في جراحاتي

مرجحني_اعله_صدرك_بين_تل وتل
أنه_الربحان_من_اصعد_ومن أنزل
من_اصعد_اضوگ_شفاف_چنهن تين
ومن_انزل_صعب_عذروني_ماكمّل

 

[رمااد اانسان]

رد: حروفي تخرج من الرماد وتلوذ في جراحاتي

وأعترفلك ..
آي نسيت إهواية مني
وما نسيت حچاية منك

 

[رمااد اانسان]

رد: حروفي تخرج من الرماد وتلوذ في جراحاتي

محتاجكم أي والنبي محتاجكم
يالغبتوا عني بلا عذر كولولي شنو الصابكم
مصلوبه روحي وتنظر وساجده ابمحرابكم
تنتظر منكم خبر وتترجه ليل الجابكم
رماد...............

 

[رمااد اانسان]

رد: حروفي تخرج من الرماد وتلوذ في جراحاتي

ادريني إني استعجلت وخليتك بإحساسي
وهواي بالغت توهمت حسبتك اعز ناسي
حسبت انك إلي وكبرت ألفكره براسي
ودكات كلبي إلك ودكت جميع أجراسي
عايش بعقلي بكل وقت بس انته كلش ناسي
اكتبت أسمك نغم وعنوان كراسي
لكن هضيمه وللأسف بينت كلبك قاسي
خسران إني اطلعت وأعلنت رقم فلاسي
رمااد اانسان
خلدون الانبار 11/4/2018

 

[رمااد اانسان]

رد: حروفي تخرج من الرماد وتلوذ في جراحاتي

خل نرجــــع أو مانفترك
جم مره دخلتي ألحلك وتخرخشتي خرخاشه
جيتي ولاكلشي اكــو لاشـــــــــال لادشداشه
وكلشي اتضح ونكشف اوظهر وسط الشاشه
والمحروم طول العمر مايوم ضاك اولاشه!
معقوله يتحمل صبرلو قوزي طب افراشه؟!
هذا الأمــــــــر ماينوصف لو بلشت البلاشه
برحي ومدلي العثك والحـــــظ حواه اوحاشه
والشغله مو شغلت كرف وشتكرش المكراشه
الشغله شغلت لكط مخصوصه حصة الباشه
والليل كله ســـــــهر وتهبش المهباشـــــــــه
العمــــر لحظة وينتهي هنياله كلمن عاشـــه
والليل ظلمــــــة نعم بس عشكته الخفاشـــه
واني عشكتج نعم وادري ســـــــــوادج ليل
وادريج صعبه نعــــم وماخذه أطباع الخيل
بس اليحب مايبتعد ولاينكطــــــــــع ليعيل
ولايا خـــــذ أطباع الشجر وي النسيم يميل
من جيل أنتي نعــــم واني أنحسب من جيل
بس العشك هو الحكم وعل العشك إني أدخيل
يحكـــــم ويانــــــه عدل اوشيحط علينه نشيل
لاتصعبين الحجي ودخليـــــه تـــــــــــــاويل
واضـــــح كلامي الــــــج لاتحلليــــــه تحليل
خلينه نبقه ســـــوه ونختلط مســـــــك اوهيل
مابيــــه اصبر بعد مــــو طفـــح عندي الكيل
من تبعدي اليــــوم بسنه والليــــل الف ياويل
مناطر وصولج الي مســـــــــافر يتاني الريل
شـــــمالج وشنهو السبب ياحلـــوه ياقنـــــديل
موجــنه ورده اوغصن جا ليش هل التضليل
خل نرجــــع أو مانفترك وخل يرجع التكبيل
محلفج بربج والنبي والكعبــــــــــة والإنجيل
لاتكتلي بروحي الأمــل وتصيري إلي قابيل
رمااد أأنسان
خلدون الانباري

 

[رمااد اانسان]

رد: حروفي تخرج من الرماد وتلوذ في جراحاتي

زماني علي جابك ورباك
ورحمة للذي صانك ورباك
تضل عيوني تنتظرك ورباك
وكولن هاي يجي لوكطع بيه
@@@@@@@@@
حرت شلون أفهمنك وسر بيك
علي تخفي ملاعيبك وسربيك
أريدك بس إلي وحدي وسربيك
بخلوه ومايمر حتى إبليس بيه
بقلمي
خلدون الانياري

 

[رمااد اانسان]

رد: حروفي تخرج من الرماد وتلوذ في جراحاتي

مادام يم غيري رحت....كل صلح ماظل بيها
عديتلك دمعة وجرح .....بس هاي ماعديها
راجع عليمن تعتذر
روحي وكسرت جناحها
شسويت ببها تمرمرت
من انطتك مفتاحها
ظليت بيدك ع الجمر ........جايبها وموديها
روحي الله خالقها البشر مو لعبة تلعب بيها

راقت لي

 

[رمااد اانسان]

رد: حروفي تخرج من الرماد وتلوذ في جراحاتي

ولا ناسيك ولا لحظه لساني ترك طاريك
عزيز وصدك غالي وابد متروح عن بالي
وعلى كل الناس انا مغليك انا متانيك اكضي
الليل بمناطر واظل يرويحتي متانيك
انا الشاريك اقدم الروح لعينوك هديه اوكون ترضيك
يامنية حياتي وياحلم روحي عشكتك موش بس هاويك
اريد أوصل وأحط يمك وشبكنك وعرف شبيك مابيك
وشوفك كل حناني السكن بالروح عل المخفي ادليك
وأكتل عطش روحك اومن صدك أرويك
وصفيك وخبطك خبط بالروح ما انطيك
واحتلك غصب عنك حكم ذاتي جذب يحميك
ولا دستور ينقض قراراتي ولا أعفيك
إنا الشاريك أنت أول من سكن روحي تمرمرها وتحليك
ولاناسيك ولا لحظه لساني ترك طاريك
ياهمسي وغنائي وكل مواويلي البيها ابديك
ياحلي وحلالي ونبض كلبي ونفس ريتي شريد انطيك ماجازيك
أغار عليك من روحي أغار عليك وين أخفيك
أخذني وياك ما اكدر بلياك مااتحمل نظر مكفاك صدلي شبيك؟
سميتك حياتي وسميتك حبيبي وسميتك نبض روحي بعد شتريد اسميك ؟
بقلمي .......................